قر ءىىم ءباسپاسوز قىزمەتىنىڭ مالىمەتىنشە, وزىندىك قاۋىپسىزدىك باسقارماسىنىڭ ماماندارى تەكسەرۋ كەزىندە كۇدىكتىلەر ەسىرتكى جيناپ, كەيىن ساتۋ ءۇشىن قۇموزەك اۋىلىنا شىعاتىنىن انىقتايدى.
الايدا كۇدىكتىلەر وتىرعان كولىكتەگى جۇرگىزۋشى ارنايى بولىمشەنىڭ قىزمەتكەرىن ادەيى قاعىپ وتەدى جانە ول اۋىر جاراقات الادى. قارۋلانعان كۇدىكتىلەر جىلدامدىقتى اسىرىپ, قاشۋعا تىرىسقان. كولىكتە ءۇش ادام بولعان.
ولار پوليتسەيلەردىڭ ەسكەرتۋ ءۇشىن اتقان وعىن ەلەمەگەن. سودان سوڭ پوليتسەيلەر كولىككە وق اتقان. كۇدىكتىلەردىڭ ەكەۋى جاراقات الدى. بىرەۋى اۋرۋحانادا قايتىس بولادى, ەكىنشىسىنە ستاتسيوناردا كومەك كورسەتىلگەن, ءۇشىنشىسى ۇستالدى جانە ۋاقىتشا ۇستاۋ يزولياتورىنا قامالعان.
"قىلمىستىق كودەكستىڭ 297, 345, 362-باپتارى بويىنشا سوتقا دەيىنگى تەرگەۋ ءجۇرىپ جاتىر. تەرگەۋ مۇددەسىنە بايلانىستى باسقا اقپاراتتى جاريالاۋعا بولمايدى", - دەدى ءىىم ءباسپاسوز قىزمەتىندەگىلەر.
Tengrinews.kz رەداكتسياسىنا پايدالانۋشىلاردىڭ ءبىرى كۇدىكتىلەر وتىرعان كولىكتىڭ جانە كۇدىكتى بولعان پوليتسەيلەردىڭ اتى-ءجونى جازىلعان قۇجاتتىڭ فوتوسىن جولدادى.
