وسى قىزمەت ىسكە قوسىلۋمەن قايتىس بولۋ جانە پەريناتالدىق ءولىم تۋرالى مەديتسينالىق كۋالىكتى, سونداي-اق قايتىس بولۋدى مەملەكەتتىك تىركەۋ تۋرالى كۋالىكتى مىندەتتى تۇردە ۇسىنۋ بولىگىندەگى تالاپتار الىپ تاستالادى. انىقتاما الۋ ءۇشىن قايتىس بولعان ادامنىڭ جسن ەنگىزۋ جەتكىلىكتى.
"بۇرىن, كوپ ۋاقىتتى الاتىن بىرنەشە ۇيىمعا بارۋ قاجەت ەدى. بۇل انىقتاما جەرلەۋ, جەرلەۋگە ارنالعان بىرجولعى تولەمدى تاعايىنداۋ, قايتىس بولعان ادامنىڭ زەينەتاقى جيناقتارىن الۋ جانە مۇرانى رەسىمدەۋ كەزىندە ۇسىنۋ ءۇشىن قاجەت. ەندى ونى ونلاين رەجيمىندە الۋعا بولادى" - دەپ ءتۇسىندىردى قازاقستان رەسپۋبليكاسى تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ ءباسپاسوز قىزمەتى.
eGov.kz پورتالىندا "وتباسى" بولىمىندە "وتباسى جاعدايى" بولىمشەسىن تاۋىپ, "قايتىس بولۋدى مەملەكەتتىك تىركەۋ تۋرالى حابارلاما" قىزمەتىن تاڭداپ, وعان تاپسىرىس بەرىپ, ەتسق-مەن قول قويۋ قاجەت.
ونىڭ ناتيجەسىمەن eGov.kz پورتالداعى پايدالانۋشىنىڭ جەكە كابينەتىندە تانىسۋعا بولادى. باس تارتۋدىڭ سەبەبى دۇرىس تولتىرىلماعان دەرەكتەر نەمەسە قايتىس بولۋ تۋرالى اكت جازباسىنىڭ بولماۋى بولۋى مۇمكىن. ءبىرىنشى جاعدايدا, دەرەكتەردى تەكسەرىپ, قىزمەتكە قايتا تاپسىرىس بەرۋىڭىز كەرەك. ال ەكىنشى جاعدايدا - ۋاكىلەتتى مەملەكەتتىك ورگانعا حابارلاسىڭىز. اتالعان قىزمەت قازاقستان رەسپۋبليكاسى ادىلەت مينيسترلىگىنىڭ اقپاراتتىق جۇيەلەرىن ينتەگراتسيالاۋ ارقىلى قولجەتىمدى. ال بارلىق دەرەكتەر مەملەكەتتىك ورگانداردىڭ اقپاراتتىق جۇيەلەرىنەن الىنادى.
قىزمەتتىڭ سىلتەمەسى: https://egov.kz/cms/ru/services/marital_status/death_registration
