بۇگىن ۇكىمەت وتىرىسىندا مينيستر حالىقتى ءدارى-دارمەك قۇرالدارىمەن جانە مەديتسينالىق بۇيىمدارمەن قامتاماسىز ەتۋ ماسەلەسى تۋرالى ەسەپ بەردى. تسوي COVID-19 ەكىنشى تولقىنىنا دايىندىق قىزۋ ءجۇرىپ جاتقانىن اتاپ ءوتتى.
"كۇز-قىس ماۋسىمدارىندا كوروناۆيرۋستىڭ جاڭا تولقىنى بولۋى مۇمكىن دەگەن كۇدىكپەن بىرقاتار جۇمىس جۇرگىزىلدى. بىرىنشىدەن, بىرىڭعاي ديستريبيۋتوردىڭ (سق فارماتسيا - ەسكەرتۋ) قويمالارىندا 2 ايلىق ءدارى-دارمەكتىڭ ازايمايتىن قورىن قالىپتاستىرۋ. 8,2 ميلليارد تەڭگەگە تاپشى جانە قاجەت 44 ءدارىنىڭ ءتۇرى ساتىپ الىنىپ جاتىر. ول ءبىر ايعا شامامەن ستاتسيونارلارداعى 60 مىڭ ناۋقاستى ەمدەۋگە ەسەپتەلگەن. ءدارى-دارمەكتىڭ ازايمايتىن قورى وتىنىمنەن تىس دەنساۋلىق ساقتاۋ مينيسترلىگىنىڭ بولجامى بويىنشا ساقتىق شاراسى ءۇشىن ساتىپ الىنىپ جاتىر", دەدى مينيستر.
ونىڭ ايتۋىنشا, COVID-19 بويىنشا 2 ايعا ەسەپتەلگەن ءدارى-دارمەك قورى بىرىڭعاي ديستريبيۋتوردىڭ (سق فارماتسيا - ەسكەرتۋ) حابىندا ساقتالادى.
"2020 جىلدىڭ 15 قازانىنداعى مالىمەت بويىنشا 5,92 ميلليارد تەڭگەگە 37 ءدارىنىڭ ءتۇرى ساتىپ الىندى. بۇل شارا ءدارى-دارمەكتىڭ رەزەرۆىن قۇرۋعا مۇمكىندىك بەرەدى", دەدى تسوي.
ايتا كەتەيىك, قازاقستاندا 109 623 ادام COVID-19 جۇقتىردى. 105 145 ناۋقاس ايىقتى, 1 768 ادام قايتىس بولدى.
