باس دارىگەردىڭ ايتۋىنشا, قازىرگى ۋاقىتتا قايتا انىقتالعان كوروناۆيرۋس جاعدايلارى مەن اۋرۋحانادان تىس پنەۆمونيانىڭ سانى تۋرالى ناقتى مالىمەتتەر جوق.
"بىراق ەل استاناسىندا رەسمي تۇردە راستالعان كوروناۆيرۋستى قايتا جۇقتىرۋدىڭ ەكى جاعدايى انىقتالعان. بىراق مەنىڭ بىلۋىمشە, ولاردىڭ سانى جەتىگە جەتكەن بولۋى كەرەك", دەدى ول.
سونداي-اق ورتالىق باسشىسى قايتا جۇقتىرۋدىڭ العاشقى وقيعاسى ەر ادامنان زەرتحانالىق تۇردە انىقتالعانىن, ەكىنشى كورناۆيرۋسقا قايتا شالدىققان قالا تۇرعىنى اۋرۋحانادان تىس پنەۆمونيامەن اۋىرىپ شىققانىن ايتتى. ونىڭ بۇرىن اۋرۋ ءورشىپ تۇرعان كەزدە وكپەسى 25%-عا زاقىمدانسا, قازىر 65%-عا جەتكەن.
