قوعام • 20 قازان، 2020

مۇنايشىلاردىڭ قامقورلىعى

6 رەت كورسەتىلدى

مۇناي-حيميا كاسىپورنى بيىل جازدا ىندەتكە شالدىققان ناۋقاستاردى وتتەگىمەن قامتاماسىز ەتەتىن وتتەگى باللوندارىن ورناتاتىن قوسىمشا ستانسا قۇردى. بۇل قۇرىلعى وبلىس ورتالىعىنداعى №3 اۋرۋحاناعا ورناتىلدى.

ستانسا تابيعي جەلدەتكىشى بار مەتالل ۇيشىكتەن تۇرادى، ونىڭ وتتەگى سىيىمدىلىعىن ساقتاۋ جانە پايدالانۋ كەزىندە ماڭىزى وتە جوعارى. وتتەگى ساۋىتىن ساقتاۋعا جانە تولتىرۋعا ارنالعان ارنايى الاڭعا 30 باللون قويۋعا بولادى. بۇل جاعدايدا 15 قوندىرعى جۇمىس ىستەيدى (ونى رامپاعا قوسقاندا) جانە 15 كامەرا قوسىمشا ساقتالادى. وتتەگى ستانساسىن قۇراستىرۋ جۇمىستارى قىسقا مەرزىمدە زاۋىتتىڭ باس مامانى سەرگەي پانفيلوۆتىڭ جەتەكشىلىگىمەن جۇزەگە اسىرىلدى. ستانسا بارلىق ەرەكشەلىكتى ەسكەرە جانە پايدالانۋدىڭ بارلىق نورماتيۆتىك قاعيدالارىن ساقتاي وتىرىپ ورناتىلدى.

كاسىپورىننىڭ وزىندە «دەنساۋلىق ساقتاۋ ورتالىعى» جۇمىس ىستەيدى. زاۋىتتىڭ جۇمىسشىلارى ەم الۋ ءۇشىن وندىرىستەن قول ۇزبەي قاجەتتى زەرتتەۋلەردەن وتۋگە مۇمكىندىكتەرى بار. قابىلداۋدى تاجىريبەسى مول بىلىكتى دارىگەرلەر جۇرگىزەدى. جەدەل جاردەم بريگاداسى قۇرامىندا رەانيماتولوگ جانە فەلدشەرلەر بار، ولار تاۋلىك بويى كەزەكشىلىك ەتەدى. ساۋىقتىرۋ پۋنكتى جەدەل جانە شۇعىل مەديتسينالىق كومەككە ارنالعان ءدارى-دارمەكتەر جانە جابدىقتارمەن تولىق قامتاماسىز ەتىلگەن. پۋلسوكسيمەتر، دەفيبريللياتور، ەلەكتروكارديوگراف، ۆاكۋم شينالارى، وتتەگى اپپاراتى، تىنىس الۋ اپپاراتتارى، رەانيماتسيالىق سومكە سياقتى بارلىق زاماناۋي جاب­دىقتارمەن جابدىقتالعان رەانيموبيل بار. جۇمىسشىلارعا مەدي­­تسينالىق قىزمەت كورسەتۋدىڭ بىر­ىڭعاي جۇيەسىنە «نەفتەحيميك» پروفيلاكتوريىندە ساۋىقتىرىلۋ دا قوسىلادى. جىل سايىن 400-گە جۋىق جۇمىسكەر مەن ولاردىڭ وتباسى مۇشەلەرى ەمدەلەدى.

قازىر «مۇناي-حيميا» جشس پارتيا مۇشەلەرى جەرگىلىكتى Nur Otan فراكتسيا­سى ارقىلى از قامتىلعان وتباسىلارعا كومەك قولىن سوزۋ باعىتىنا بەلسەندى قاتىسۋدى جالعاستىرۋدا. مىسالى، وبلىس ورتالىعىندا تۇراتىن ءبىر جاسار ۇلىن جالعىز تاربيەلەپ وتىرعان جاس انا مەرۋەرت حاسەنوۆا كومەك سۇراپ پارتيانىڭ جەرگىلىكتى بولىمشەسىنە جۇگىنگەن ەكەن. بۇل حاباردى ەستىگەن «مۇناي-حيميا» زاۋىتىنىڭ باس ديرەكتورى، باستاۋىش پارتيا ۇيىمىنىڭ توراعاسى وسپانبەك السەيىتوۆ ءوز اتىنان مەرۋەرتكە جەكە كومەك رەتىندە كىشكەنتاي نارەستەگە ارنالعان قاجەتتى بۇيىمدار، جايالىقتار ساتىپ الىپ بەردى. باسشى باستاعان قامقورلىق زاۋىت جۇمىسشىلارىنا دا ۇلگى بولىپ، كاسىپورىننىڭ بەلسەندىلەرى جالعىزىلىكتى زەينەتكەرلەرگە ارنالعان بىرقاتار يگى ءىستى جالعاستىردى.

بيىل ەلىمىزدە «قامقورلىق» قايىرىمدىلىق ايلىعى اياسىندا قارتتارعا الەۋمەتتىك كومەك كور­سەتىلۋدە. ەرەكشە نازار جالعى­ز­ىلىكتى جانە جالعىز باستى قارت ادام­دارعا، ەڭ تومەنگى زەينەتاقى الا­تىندارعا، مۇگەدەك بالالاردى كۇتۋ­شىلەرگە اۋدارىلۋدا. كاسىپ­ورىن باسشىسى و.السەيىتوۆ باس­تا­عان پارتيا بەلسەندىلەرى وبلىس ورتالىعىندا تۇراتىن، ەڭبەك دەمالىسىنا شىققان رىستاي ۋسانوۆا، التىن جاقاشەۆا، سەرىك بالىقباەۆ، تىلەكتەس راحمانعۇلوۆا، تۇرسىن يسكاكوۆا، تىلەكتەس قوجاعۇلوۆا، ەكاتەرينا پودزولكو، شايزات سماعۇلوۆا، ريمما پەيحۆاسسەر، نينا كوۆالەنسكايا سياقتى جالعىزىلىكتى جانە دەنساۋلىعىنا بايلانىستى دالاعا شىعا المايتىن زەينەتكەرلەردىڭ ۇيلەرىنە بارىپ، ازىق-ت ۇلىك تولى سومكەلەر تابىس ەتتى.

– زەينەتكەرلەر ارقاشان كۇز مەزگىلىن جاقسى كوڭىلمەن، سەنىمدىلىك سەزىمىمەن قارسى السىن. ولاردى زاۋىت ۇجىمى قۇرمەتتەيتىنىنە جانە ەستە ساقتايتىنىنا سەنىمدى بولسىن، – دەيدى مۇناي وندىرۋشىلەر.

بۇدان كەيىن زاۋىت وكىلدەرى كەلەسى ساپارلارىن تەرەڭكول اۋدانىنىڭ پەسچانوە اۋىلىنا ارنادى. وسى اۋىلداعى ارنايى مەكتەپتىڭ تۇلەك­تەرىنە جانە ارنايى الەۋمەتتىك قىزمەتتەر الاتىن بالالارعا كومەك كورسەتتى. بيىل وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنا قاراستى ارنايى الەۋمەتتىك قىزمەتتەردى ۇسىنۋ بويىنشا بالالار پسيحونەۆرولوگيالىق ورتالىعى مۇناي-حيميا زاۋىتىنان پاتروناتتىق كومەك رەتىندە كومپيۋتەرلەر الدى. ورتالىقتا 3-تەن 18 جاسقا دەيىنگى مۇگەدەك بالالار وقىتىلادى، ولارعا وسى كومپيۋتەرلەر ارقىلى تۇزەتۋ ساباقتارى وتكىزىلەدى. سونىمەن بىرگە بيىلعى جاڭا وقۋ جىلىندا زاۋىت الەۋمەتتىك جاۋاپتى كاسىپورىن رەتىندە مەكتەپ جاسىنداعى بالالارى بار جۇمىسشىلارعا كومەك بەردى. ياعني جىل سايىنعى وقۋ جىلى الدىندا ماتەريالدىق كومەك بەرۋ داستۇرگە اينالعان «مەكتەپكە جول» شاراسىن جالعاستىردى.

مۇنايشىلار ۇجىمى بىرنەشە جىل بويى پەسچانوە اۋىلىنداعى №2 ارنايى مەكتەپ-ينتەرنات تۇلەكتەرىنە قامقورلىق كورسەتىپ كەلەدى. زاۋىت ۇجىمى مەن «مۇناي وندىرۋشىلەر» كاسىپوداق بىرلەستىگىنىڭ وكىلدەرى اتىنان زاۋىت جۇمىسشىلارى جيناعان قاراجاتقا 11 ءجاسوسپىرىم سىرتقى كيىم، اياق كيىم، ش ۇلىق، ءىش كيىمدەر جانە جەكە گيگيەنا زاتتارىن الدى.

– جاسوسپىرىمدەرگە كۇش-جىگەر مەن بولاشاق جاڭا ومىرلەرىنە دەگەن سەنىمدىلىك تىلەيمىز. ولاردىڭ الداعى ومىرلەرى ءبىزدىڭ زاۋىت جۇمىس­شىلارىنىڭ ءومىرى، ەڭبەك جولدارى سەكىلدى تابىستى، جەڭىستى بولسىن! ءبىز ولاردى وندىرىستە ەڭبەك ەتەتىن جاس­تار رەتىندە كۇتەتىن بولامىز، – دەيدى زاۋىتتىڭ پەرسونالدى باسقارۋ دەپارتامەنتىنىڭ ديرەكتورى التىن يمانتاەۆا.

 

پاۆلودار وبلىسى

 

سوڭعى جاڭالىقتار

جارىس پەن تابىس

ەكونوميكا • بۇگىن، 00:00

اقىلدىڭ ازابى

تاريح • كەشە

مەيرامحانالار جانە پاندەميا

كوروناۆيرۋس • كەشە

جۇرت جاعاجاي ىزدەپ ءجۇر

ايماقتار • كەشە

ۇقساس جاڭالىقتار