ورىن العان قايعىلى وقيعاعا بايلانىستى پوليتسيا دەپارتامەنتىنىڭ باستىعى ساعات ماديەۆ ماقانشى اۋىلىنى بارعان.
"ماقانشى اۋىلىنىڭ پوليتسيا بولىمشەسىندە 33 جاستاعى ەر ادامنىڭ قايتىس بولعانىن راستايمىن, ول مال ۇرلىعى بويىنشا كۇدىكتى رەتىندە پوليتسيا بولىمشەسىنە جەتكىزىلگەن بولاتىن. مەنىڭ باسقارۋىممەن ارنايى توپ قۇرىلدى. وسى فاكتى بويىنشا وزىندىك قاۋىپسىزدىك باسقارماسى "قيناۋ" بابى بويىنشا سوتقا دەيىنگى تەرگەۋ جۇمىستارىن باستادى", - دەيدى پوليتسيا پولكوۆنيگى ساعات ماديەۆ.
سونىمەن قاتار پوليتسيا دەپارتامەنتى باستىعىنىڭ ايتۋىنشا, پروتسەسسۋالدىق پروكۋرورلاردىڭ توبى تاعايىندالدى. جاقىن تۋىستارىنىڭ قاتىسۋىمەن وقيعا ورنىنا قاراۋ جۇرگىزىلدى. قاجەتتى ساراپتامالار, ونىڭ ىشىندە پاتالوگواناتوميالىق زەرتتەۋلەر وتكىزىلدى. ازىرگە ساراپتاما ناتيجەلەرى دايىن ەمەس.
"قايتىس بولعان ازاماتتىڭ وتباسىنا ءۇرجار اۋدانىڭ اكىمىمەن بىرگە بارىپ, تۋىستارى مەن دوستارىنىڭ ۋاجدەرىن تىڭدادىم, ونىڭ بارلىعى قارالۋدا. تۋىستارى مەن دوستارىنىڭ قايعىسىنا ورتاقتاسىپ, كوڭىل ايتامىن. كىنالى ادامدار زاڭمەن بەلگىلەنگەن جاۋاپكەرشىلىككە تارتىلادى. مەنىڭ ۇستانىمىم – تەرگەۋدىڭ ءادىل, ءارى وبەكتيۆتى جۇرگىزىلۋى", - دەدى ساعات ماديەۆ.
قايعىلى وقيعاعا بايلانىستى قوسىمشا اقپاراتتار بولسا, نازارىمىزدا ۇستايتىن بولامىز.
