17-18 جانە 24-25 قازان كۇندەرى "حان شاتىر" ساۋدا ويىن-ساۋىق ورتالىعىنىڭ جانىنداعى الاڭدا اۋىلشارۋاشىلىق جارمەڭكەلەرى وتەدى.
جارمەڭكەگە "ماگنۋم" ءىرى ساۋدا جەلىسى جانە جەمىستەر مەن كوكونىستەردى كوتەرمە جەتكىزۋشىلەر قاتىسادى.
جىلقى ەتى 1900 تەڭگەدەن (قازى, جايا كيلوگراممى 2100 تەڭگەدەن) جانە ءسۇت ونىمدەرىن قاراعاندى مەن اقمولا وبلىستارىنىڭ شارۋا قوجالىقتارى اكەلەدى. كۇركەتاۋىق ەتىن اقتوبە وبلىسىنىڭ شارۋا قوجالىقتارى, سيىر ەتىن كيلوگرامى 1700 تەڭگەدەن - "مياسنوي سويۋز" جەتكىزەدى.
سولتۇستىك قازاقستان جانە پاۆلودار وبلىستارىنىڭ وندىرۋشىلەرى تۇتىنۋشىلارعا ءبىرىنشى جانە ەڭ جوعارى سۇرىپتى ۇن, راپس جانە كۇنباعىس مايىن ۇسىنادى. بالدى شىعىس قازاقستان جانە اقمولا وبلىستارىنىڭ ومارتاشىلارى اكەلەدى. كوكونىس ونىمدەرىن - قىرىققابات, ءسابىز, قىزىلشا, پيازدى اقمولا وبلىسىنىڭ وندىرۋشىلەرى ساتاتىن بولادى.
اۋىلشارۋاشىلىق جارمەڭكەسى وڭىرلەردەن ازىق-ت ۇلىك ونىمدەرىن دەلدالدارسىز, تىكەلەي وندىرۋشىلەردەن الادى, دەيدى ۇيىمداستىرۋشىلار.
كەلۋشىلەر سانيتارلىق نورمالاردى قاتاڭ ساقتاۋى كەرەك.
