ماجىلىستە پالاتا توراعاسى نۇرلان نىعماتۋليننىڭ كانادانىڭ سىرتقى ىستەر ءمينيسترى دجون بەردپەن كەزدەسۋى ءوتتى, دەپ حابارلادى وسى پالاتانىڭ باسپاسوز قىزمەتى.
ماجىلىستە پالاتا توراعاسى نۇرلان نىعماتۋليننىڭ كانادانىڭ سىرتقى ىستەر ءمينيسترى دجون بەردپەن كەزدەسۋى ءوتتى, دەپ حابارلادى وسى پالاتانىڭ باسپاسوز قىزمەتى.
نۇرلان نىعماتۋلين كانادا قازاقستاننىڭ ماڭىزدى ساياسي جانە ەكونوميكالىق ارىپتەسى ەكەنىن باسا ايتا كەلىپ, اتالعان ەلمەن ۇزاق مەرزىمدى جانە سىندارلى قارىم-قاتىناستى دامىتۋدىڭ قاجەتتىگىنە توقتالدى.
سونىمەن قاتار, ءماجىلىس ءتوراعاسى پرەزيدەنتتىڭ «قازاقستان-2050» ستراتەگياسىن جۇزەگە اسىرۋ جولىندا ءبىزدىڭ ەلىمىزدىڭ ساۋدا-ەكونوميكالىق سالادا, ينۆەستيتسيالىق ءارىپتەستىك, اۋىل شارۋاشىلىعى, اتوم ونەركاسىبى, سونداي-اق, يننوۆاتسيا جانە «جاسىل» تەحنولوگيا باعىتتارىندا ىقپالداستىقتى كۇشەيتۋگە ىنتالى ەكەندىگىنە باسا نازار اۋداردى.
دجون بەرد ءوز كەزەگىندە ءبىزدىڭ ەلىمىزدىڭ وسى ۋاقىتتار ىشىندە جەتكەن جەتىستىكتەرىنە نازار اۋدارىپ, ءوز تاڭدانىسىن جاسىرمادى. ءسوزىن ساباقتاي كەلىپ:
– بۇكىل الەم قازاقستاننىڭ قارقىندى دامىپ كەلە جاتقان مەملەكەت ەكەنىن بىلەدى. ءسىزدەردىڭ پرەزيدەنتتەرىڭىز نۇرسۇلتان نازارباەۆ يادرولىق قارۋدى تاراتپاۋ ماسەلەسىندە كوشباسشى رەتىندە تانىمال, – دەدى.
تاراپتار حالىقارالىق دەڭگەيدەگى ماسەلەلەر توڭىرەگىندە پىكىر الماسا كەلىپ, اۋعانستانداعى جاعدايدى رەتتەۋ جانە تۇراقتىلىق ورناتۋ جايىندا دا ءوز ويلارىن ورتاعا سالدى.
پارلامەنتارالىق, سونىڭ ىشىندە ەكى پالاتا اراسىندا پارلامەنتارالىق ءىس-قيمىلدى نىعايتۋ جايى دا نازاردان تىس قالمادى. سونداي-اق, قوس مەملەكەتتىڭ پارلامەنتتەرىندە قۇرىلعان ىنتىماقتاستىق جونىندەگى توپتاردىڭ دا وزىندىك ىقپالى زور بولماق.
ءماجىلىس توراعاسى مەن كانادا سىرتقى ىستەر مينيسترى الداعى ۋاقىتتا دا پارلامەنتارالىق بايلانىسپەن قاتار, قازاقستان-كانادا قاتىناسى ودان ءارى جان-جاقتى تەرەڭدەيتىنىنە سەنىم ءبىلدىردى.
