– ەلباسى, پارتيا توراعاسى ن.ءا.نازارباەۆتىڭ تاپسىرماسىمەن پارتياىشىلىك سايلاۋ وتكىزۋ كەزىندە ەلىمىز بويىنشا ازاماتتاردان 20 مىڭنان استام ۇسىنىس جينالدى. ونىڭ مىڭنان استامى قوستاناي وبلىسىنىڭ تۇرعىندارىنان ءتۇستى.
تالداۋ كورسەتكەندەي, قاراپايىم حالىق نەگىزىنەن اۋىل ىشىندەگى جولداردىڭ ساپاسى, سۋ جانە گازبەن قامتۋ, تۇرعىن ءۇي مەن ءبىلىم بەرۋ نىساندارىن سالۋ, اۋىلدىق مەكتەپتەردە كومپيۋتەر تەحنيكالارىن جاڭارتۋ ماسەلەلەرىن كوتەرۋدە. تۇرعىنداردىڭ اۋىلداعى ينتەرنەتتىڭ جىلدامدىعىنا دا كوڭىلدەرى تولماي وتىر. كوتەرىلگەن ماسەلەلەردىڭ وزەكتىلىگىن ەسكەرىپ, ولاردى وبلىستىق سايلاۋالدى باعدارلامادا كورسەتۋ قاجەتتىگىن ايتتىم. ءوڭىر حالقىنىڭ ۇشتەن ءبىرى اۋىلدىق جەردە تۇراتىندىقتان, پارتيانىڭ قوستاناي وبلىسى بويىنشا سايلاۋالدى باعدارلاماسى اۋىل شارۋاشىلىعىن قولداۋ شارالارىن كوزدەيدى. سونىمەن, تاياۋداعى 5 جىلدا وبلىستا ەگىس القاپتارىن ءارتاراپتاندىرۋدى قامتاماسىز ەتۋ, جاڭا سۋارمالى جەرلەردى اينالىمعا ەنگىزۋ, تەحنيكانى جاڭارتۋ, سونداي-اق وڭدەۋشى اۋىلشارۋاشىلىق كاسىپورىندارىن ىسكە قوسۋ مەن جاڭعىرتۋ جوسپارلانۋدا, – دەدى باۋىرجان بايبەك.
پارتيا توراعاسىنىڭ ءبىرىنشى ورىنباسارى ودان كەيىن ءوڭىردى تابيعي سۇتپەن جانە جوعارى ساپالى اشىتىلعان ءسۇت ونىمدەرىمەن قامتاماسىز ەتىپ وتىرعان «ولجا سادچيكوۆسكوە» سەرىكتەستىگىنە بارىپ, كاسىپورىن وندىرىسىمەن تانىستى. بۇگىندە 320 ادامدى تۇراقتى جۇمىس ورنىمەن قامتاماسىز ەتىپ وتىرعان بۇل كاسىپورىن ايماقتاعى دامىعان جوعارى تەحنولوگيالى وندىرۋشىلەردىڭ ءبىرى. كاسىپورىن قىزمەتكەرلەرىمەن كەزدەسۋ بارىسىندا سادچيكوۆ اۋىلىنىڭ تۇرعىنى تامارا كيسەلەۆا وسى ەلدى مەكەندەگى جالپى ۇزىندىعى 6 شاقىرىم بولاتىن ەكى ورتالىق كوشەگە جوندەۋ جۇرگىزۋدى ءوتىندى. بۇل كوشەلەردىڭ بويىندا 1350-دەي تۇرعىن بار. باۋىرجان بايبەك تاعى بىرنەشە جۇمىسشىنىڭ ءوتىنىشىن تىڭداپ, بۇل ماسەلەلەردىڭ جۇزەگە اسىرىلۋىن تىكەلەي ءوزى باقىلاۋىنا الاتىنىن جەتكىزدى.
باۋىرجان بايبەك ودان كەيىن قوستاناي قالاسىنداعى جاڭا ءمودۋلدى ينفەكتسيالىق اۋرۋحانامەن تانىسىپ, ءوڭىردىڭ مەديتسينا قىزمەتكەرلەرىمەن دەنساۋلىق ساقتاۋ ۇيىمدارىنىڭ كوروناۆيرۋس پاندەمياسىنىڭ تۋىنداۋى مۇمكىن ەكىنشى تولقىنىنا دايىندىعىن تالقىلادى.
Nur Otan پارتياسى توراعاسىنىڭ ءبىرىنشى ورىنباسارى جۇمىس ساپارى بارىسىندا ارقالىققا ايالداپ, Nur Otan-نىڭ قالالىق سايلاۋالدى باعدارلاماسىنىڭ جوباسى تۋرالى تۇرعىندارمەن پىكىرلەستى.
ارقالىق ساپارى تۋرالى ب.بايبەك الەۋمەتتىك جەلىدەگى جەكە پاراقشاسىنا: «ارقالىققا كەلدىم. وزدەرىڭىز بىلەتىندەي, پارتيا توراعاسى ن.ءا.نازارباەۆتىڭ تاپسىرماسىمەن ءاربىر ەلدى مەكەننىڭ ەرەكشەلىگى مەن ماسەلەلەرىن ەسكەرە وتىرىپ, Nur Otan تۇڭعىش رەت ءار ءوڭىر, قالا مەن اۋدان بويىنشا 216 سايلاۋالدى باعدارلامانىڭ جوبالارىن ازىرلەدى. ەلباسى اتاپ وتكەندەي, Nur Otan – ناقتى ىستەردىڭ پارتياسى, ءبىزدىڭ سايلاۋالدى ۋادەلەرىمىزدىڭ بارلىعى تىڭعىلىقتى ەسەپتەلۋى ءتيىس». سوندىقتان 5 جىلدىق باعدارلامالاردا كورنەكى ينديكاتورلار كورسەتىلدى, بيۋدجەتتىڭ مۇمكىندىگىمەن سايكەستەندىرىلگەن ناقتى باسىمدىقتار رەتى كوزدەلدى. ەل پرەزيدەنتى ق.ك.توقاەۆتىڭ «حالىق ۇنىنە قۇلاق اساتىن مەملەكەت» تۇجىرىمداماسى ىسكە اسىرىلا وتىرىپ, پارتيانىڭ بارلىق سايلاۋالدى باعدارلامالارى ازاماتتاردىڭ تالاپ-تىلەكتەرى ەسكەرىلىپ پىسىقتالادى.
سونىمەن ارقالىق قالاسىندا پارتياىشىلىك پرايمەريز بارىسىندا 117 ناقتى ۇسىنىس ءتۇستى. تۇرعىنداردى اۋلا الاڭدارىن اباتتاندىرۋ مەن كوشەلەردى جارىقتاندىرۋ, ءبىلىم مەن دەنساۋلىق ساقتاۋ نىساندارىن, جولدار مەن ينجەنەرلىك جەلىلەردى جوندەۋ سەكىلدى ماسەلەلەر تولعاندىرادى.
پارتيا فيليالى باسشىلىعىنىڭ مالىمەتىنشە, وسى ماسەلەلەردىڭ بارلىعى باعدارلامالاردى پىسىقتاۋ كەزىندە ەسكەرىلگەن. سونىمەن بىرگە باعدارلامانىڭ بىرقاتار باعىتتارى قوسىمشا پىسىقتاۋدى قاجەت ەتەدى دەپ سانايمىن.
مىسالى, قازىرگى تاڭداعى وزەكتى ماسەلەلەردىڭ ءبىرى – 13 ەلدى مەكەندى ۇيالى بايلانىسپەن قامتاماسىز ەتۋ جانە ينتەرنەتتىڭ جىلدامدىعىن ارتتىرۋ. بۇدان باسقا, قالا تۇرعىندارى بالالاردىڭ ويىن الاڭدارى ساپاسىنىڭ ناشارلىعىنا شاعىم ايتىپ, ەسكى اۆتوبۋستاردى اۋىستىرۋ ماسەلەسىن كوتەرۋدە.
تورعاي بوكسيت كەن باسقارماسىنىڭ جابىلۋى جوسپارلانۋىنا بايلانىستى 500-دەي ادامدى جۇمىسپەن قامتۋ قاجەت. سايلاۋالدى باعدارلاما اياسىندا بۇل ماسەلە پارتيالىق باقىلاۋعا الىنادى. بۇل رەتتە بوساتىلاتىن ادامداردىڭ ءبىر بولىگى قازىرگى كەزدە باسقا كاسىپورىندارعا جۇمىسقا ورنالاستى.
سولاردىڭ ءبىرى – «تورعاي ەت» ەت وڭدەۋ كەشەنى. وبلىس اكىمى ارحيمەد مۇحامبەتوۆپەن بىرگە قالادا 120-داي جاڭا جۇمىس ورنىن قۇرۋعا مۇمكىندىك بەرگەن ءوندىرىس الاڭىن ارالادىم.
ساپار بارىسىندا قالانى جىلۋمەن قامتۋ جۇيەسىن رەكونسترۋكتسيالاۋ جايىمەن دە تانىستىم. وسىنىڭ اياسىندا ارقالىق جەتس-ءى مازۋتتان كومىرگە كوشىرىلمەك. بۇل شارا جىل سايىن 2 ميللياردقا دەيىن بيۋدجەت قاراجاتىن ۇنەمدەپ, ونى قالانىڭ باسقا قاجەتتىلىكتەرىنە قايتا باعىتتاۋعا مۇمكىندىك بەرەدى. بۇل جوبانى 2021 جىلى اياقتاۋ مىندەتى Nur Otan پارتياسىنىڭ سايلاۋالدى باعدارلاماسىنا ەنگىزىلگەن.
سونىمەن قاتار ارقالىق ايماقتىق اۋرۋحاناسىنىڭ ۇجىمىمەن كەزدەستىم. مەملەكەت باسشىسى ق.ك.توقاەۆ تاياۋدا سويلەگەن سوزىندە پاندەميانىڭ ەكىنشى تولقىنى بولعان جاعدايدا نەگىزگى اۋىرتپالىقتىڭ تاعى دا دارىگەرلەرگە تۇسەتىنىن اتاپ وتكەن بولاتىن. ونىڭ تاپسىرماسى بويىنشا ەكىنشى جارتىجىلدىقتا تولەماقىعا 150 ميلليارد تەڭگەدەن استام قاراجات ءبولىندى. Nur Otan پارتياسى فراكتسياسىنىڭ دەپۋتاتتارى بيىل مەديتسينا قىزمەتكەرلەرىنىڭ الەۋمەتتىك مارتەبەسىن كوتەرۋ مەن قورعاۋعا باعىتتالعان جاڭا «دەنساۋلىق تۋرالى» كودەكستى قابىلدادى.
مەديتسينا قىزمەتكەرلەرىمەن بىرگە پارتيانىڭ سايلاۋالدى باعدارلاماسىن تالقىلادىق. وندا دەنساۋلىق ساقتاۋ نىساندارىنىڭ ماتەريالدىق-تەحنيكالىق جابدىقتالۋىن جاقسارتۋ جانە حالىققا مەديتسينالىق قىزمەت كورسەتۋ ساپاسىن ارتتىرۋ بويىنشا ناقتى ينديكاتورلار قامتىلعان», دەپ جازدى.
قوستاناي وبلىسى
