«يۋۆەنتۋس» كلۋبىنىڭ شابۋىلشىسى پورتۋگاليا قۇراماسىمەن بىرگە ۇلتتار ليگاسى اياسىنداعى كەزەكتى تۋر ويىنى الدىندا كوروناۆيرۋستىڭ بار-جوعىن انىقتايتىن تەست وڭ ناتيجە كورسەتكەنى بەلگىلى بولدى. ەۋروپالىق باق وكىلدەرىنىڭ حابارلاۋىنشا, رونالدۋدا ۆيرۋستىڭ ەشقانداي بەلگىلەرى بايقالماعان جانە ول دەنساۋلىعىنا قاتىستى ەشقانداي شاعىم ايتپاعان. دەسە دە فۋتبولشى ۇلتتىق قۇراما بازاسىنان كەتىپ, ادامداردان وقشاۋلانعان. ەندى ول الداعى بىرقاتار ويىنعا قاتىسا المايدى. سونىڭ ىشىندە ۇلتتار ليگاسىنداعى شۆەتسيامەن وتكەن ويىنعا قاتىسقان جوق.
ايتا كەتەيىك, كەيىنگى اپتالاردا ەۋروپادا كوروناۆيرۋسقا شالدىققانداردىڭ سانى ارتىپ, ەكىنشى تولقىنى بايقالىپ جاتىر. سونداي-اق توپ-5 چەمپيوناتتىڭ بىرقاتار كلۋبىنىڭ ويىنشىلارى مەن قىزمەتكەرلەرىنەن دە ىندەت تابىلعان. ماسەلەن, رونالدۋ ونەر كورسەتەتىن «يۋۆەنتۋس» كلۋبىنىڭ ەكى قىزمەتكەرىنەن كوروناۆيرۋس انىقتالىپ, كلۋب وكىلدەرى كارانتينگە جابىلعان.
