«Nur Otan» پارتياسى قوستاناي وبلىستىق فيليالىنىڭ ءباسپاسوز قىزمەتى «ەلباسىنىڭ تاپسىرماسى بويىنشا «نۇرسۇلتان نازارباەۆ قورىنىڭ» قولداۋىمەن قارجى «Birgemiz» قورىنىڭ شوتىنا ءتۇستى» - دەپ مالىمدەدى.
قازىرگى تاڭدا ءبىر رەتتىك الەۋمەتتىك تولەمدى قوستاناي قالاسىنىڭ 5106 تۇرعىنى الىپ ۇلگەرگەن. كومەك قاراجاتتى الۋشىلاردىڭ 7 ساناتى بار.
- ولاردىڭ قاتارىندا تۇرمىسى تومەن كوپبالالى وتباسىلار, مۇقتاج مۇگەدەكتەر, مۇگەدەك بالانى تاربيەلەپ وتىرعان وتباسىلار, ەڭ تومەنگى زەينەتاقى الاتىن جانە حالىقتىڭ الەۋمەتتىك ءالسىز توبىنا جاتاتىن زەينەتكەرلەر, جەتىم بالالار (تۇل جەتىم بالالار مەن اسىراۋشىسىنىڭ بىرىنەن ايرىلعان بالالار), وتان سوعىسىنا قاتىسۋشىلار مەن مۇگەدەكتەر جانە سولارعا تەڭەستىرىلگەندەر, تىل ەڭبەككەرلەرى بار, - دەيدى Birgemiz قورىنىڭ وبلىستىق فيليالىنىڭ توراعاسى سەرالى احمەتوۆ.
قور توراعاسىنىڭ سوزىنشە, كومەك الۋشىلاردىڭ ءتىزىمىن بۇرىنعىداي اكىمدەر ۇسىنادى. ال فيليال بۇل جولى بۇرىن كومەك كورسەتىلمەگەن ازاماتتاردىڭ الەۋمەتتىك قولداۋعا يە بولۋىن قاداعالايدى.
ەستەرىڭىزگە سالا كەتەيىك, «Birgemiz» قورى وسى جىلدىڭ ناۋرىز ايىندا تۇڭعىش پرەزيدەنت, «Nur Otan» پارتياسىنىڭ توراعاسى نۇرسۇلتان نازارباەۆتىڭ باستاماسىمەن كوروناۆيرۋسپەن كۇرەس جاعدايىندا حالىقتىڭ الەۋمەتتىك وسال توپتارىن قولداۋ ماقساتىندا قۇرىلعان بولاتىن. وسى ۋاقىت ارالىعىندا 550 مىڭنان استام مۇقتاج ازاماتقا قور قاراجاتىنان 50 مىڭ تەڭگەدەن قارجىلاي قولداۋ كورسەتىلگەن.
