دۇيسەنبى كۇنى رەسەيدىڭ ەكاتەرينبۋرگ قالاسىندا رەسەي, قازاقستان, بەلارۋس ەلدەرىنىڭ ح مەملەكەتارالىق ايماقتىق فورۋمى بەلگىلى. مىنە, وسى ماڭىزدى وقيعادان ءبىر كۇن بۇرىن وسكەمەندە ەلىمىزدەگى ەڭ ءىرى جوبالاردىڭ ءبىرى – تولىق تسيكلدى جىلىنا 120 مىڭ كولىك شىعاراتىن «ازيا اۆتو قازاقستان» اۆتوموبيل زاۋىتىنىڭ قۇرىلىسى باستالدى. ەلىمىزدەگى سەرپىندى جوبالار قاتارىنا ەنەتىن ءىرى قۇرىلىسقا شىعىس قازاقستان وبلىسىنىڭ اكىمى بەردىبەك ساپارباەۆ, رەسەي ونەركاسىپ جانە ساۋدا ءمينيسترىنىڭ ءبىرىنشى ورىنباسارى گلەب نيكيتين, قازاقستان يندۋستريا جانە جاڭا تەحنولوگيالار مينيسترىنىڭ ءبىرىنشى ورىنباسارى البەرت راۋ, وسكەمەن قالاسىنىڭ اكىمى تەمىربەك قاسىمجانوۆ, بىرقاتار باسقارما جانە دەپارتامەنت باسشىلارى قاتىستى.
دۇيسەنبى كۇنى رەسەيدىڭ ەكاتەرينبۋرگ قالاسىندا رەسەي, قازاقستان, بەلارۋس ەلدەرىنىڭ ح مەملەكەتارالىق ايماقتىق فورۋمى بەلگىلى. مىنە, وسى ماڭىزدى وقيعادان ءبىر كۇن بۇرىن وسكەمەندە ەلىمىزدەگى ەڭ ءىرى جوبالاردىڭ ءبىرى – تولىق تسيكلدى جىلىنا 120 مىڭ كولىك شىعاراتىن «ازيا اۆتو قازاقستان» اۆتوموبيل زاۋىتىنىڭ قۇرىلىسى باستالدى. ەلىمىزدەگى سەرپىندى جوبالار قاتارىنا ەنەتىن ءىرى قۇرىلىسقا شىعىس قازاقستان وبلىسىنىڭ اكىمى بەردىبەك ساپارباەۆ, رەسەي ونەركاسىپ جانە ساۋدا ءمينيسترىنىڭ ءبىرىنشى ورىنباسارى گلەب نيكيتين, قازاقستان يندۋستريا جانە جاڭا تەحنولوگيالار مينيسترىنىڭ ءبىرىنشى ورىنباسارى البەرت راۋ, وسكەمەن قالاسىنىڭ اكىمى تەمىربەك قاسىمجانوۆ, بىرقاتار باسقارما جانە دەپارتامەنت باسشىلارى قاتىستى.
بۇعان دەيىن ەلىمىزدە تولىق تسيكلدى اۆتوموبيل ءوندىرىسى بولماعانىن اشىپ ايتقان ءجون. قۇرىلعانىنا 10 جىل تولعان «ازيا اۆتو» زاۋىتى بۇگىنگە دەيىن كولىكتەردىڭ 20 مىڭعا جۋىعىن شىعارسا, جاڭادان قۇرىلعان «ازيا اۆتو قازاقستان» كومپانياسى 2017 جىلى كاسىپورىن تولىق قۋاتىنا ەنگەندە جىل سايىن 120 مىڭ تەمىر تۇلپاردى پايدالانۋعا بەرەدى ەكەن. جاڭادان 12 مىڭ جۇمىس ورنى اشىلادى. مىنە, سوندىقتان بولار, ەلباسى نۇرسۇلتان نازارباەۆ زاۋىت قۇرىلىسىن كۇندەلىكتى نازارعا الىپ, قاداعالاپ وتىر. تاياۋداعى ءۇش جىلدا مەملەكەت تاراپىنان قۇرىلىسقا 6 ميلليارد تەڭگە بولىنبەك. قالعان قارجىنى رەسەيدىڭ «اۆتوۆاز» كورپوراتسياسى مەن ينۆەستورلار قۇيماق.
شىعىس قازاقستان وبلىسىنىڭ اكىمى ب.ساپارباەۆ جينالعاندار الدىندا قۇلاشىن كەڭگە سەرمەيتىن جاڭا زاۋىتتىڭ بولاشاعىنان حاباردار ەتتى.
– شىعىس قازاقستان وبلىسىندا ماشينا جاساۋ كلاستەرىن قۇرۋ باعىتى ماقساتتى تۇردە قولعا الىنۋدا. وسكەمەندە جەڭىل كولىكتەر, سەمەيدە «بەلارۋس» تراكتورلارى, شىعىس قازاقستان ماشينا جاساۋ زاۋىتىندا جەر استى مەن شاحتالاردا وزدىگىنەن جۇرەتىن قۋاتتى قوندىرعىلار شىعارىلۋدا. كەندى التاي – ەلىمىزدە ماشينا جاساۋدا ەرەكشە ورىن الماق. ەلباسى جولداۋىندا وسى ماسەلەلەرگە ەرەكشە نازار اۋدارىلعان بولاتىن. تەك وبلىس حالقى ەمەس, رەسپۋبليكادا اسا ماڭىزدى كولىك زاۋىتىنىڭ قۇرىلىسىنا ەلباسى ۇنەمى قامقورلىق جاساپ كەلەدى. كاسىپورىن وتكەن جىلى 50 ميلليارد, ال بيىل 100 ميلليارد تەڭگەنىڭ ونىمدەرىن شىعاردى. بيۋدجەتكە 7 ميلليارد تەڭگە قارجى اۋداردى. كاسىپورىن قۇرىلىسىنا 514 گەكتار جەر تەلىمى بولىنگەن. بۇل جەردە جاڭا شاعىن اۋدان بوي كوتەرىپ, مەكتەپ, اۋرۋحانا, بالاباقشا, ەمدەۋ مەكەمەلەرى سالىنادى. ماشينا جاساۋشىلاردىڭ كورىكتى قالاسى ءالى تالايلاردىڭ تاڭدايىن قاقتىراتىن بولادى, – دەدى ءوڭىر باسشىسى.
بۇدان كەيىن رەسەي ونەركاسىپ جانە ساۋدا ءمينيسترىنىڭ ءبىرىنشى ورىنباسارى گ.نيكيتين, «اۆتوۆاز» كومپانياسى پرەزيدەنتىنىڭ ءبىرىنشى ورىنباسارى و.لوبانوۆ ءسوز الىپ, ەكى مەملەكەت اراسىنداعى ەكونوميكالىق قارىم-قاتىناستىڭ جىل سايىن دامىپ كەلە جاتقانىن, بىرلەسكەن جوباعا قارجىنىڭ تورتتەن ءبىرىن قوسىپ وتىرعانىن ايتا كەتتى. «اۆتوۆاز» كومپانياسىنىڭ جاڭا «لادا-كالينا», «لادا-گرانتا» كولىكتەرىنە دەگەن سۇرانىس جىل سايىن ارتىپ كەلەدى. وسكەمەندە دە وسى جانە زامان تالابىنا ساي جانارمايدى از جاعاتىن, ساپالى تەمىر تۇلپارلار شىعارىلىپ, تۇرعىنداردىڭ سۇرانىسىن قاناعاتتاندىرماق. قازاقستانمەن ىنتىماقتاستىق ەكى ەل اراسىندا ساۋدا-ساتتىقتى نىعايتىپ قانا قويماي, الداعى ۋاقىتتا دا تىڭ سەرپىلىستەرگە جاعداي جاساماق, – دەدى رەسەيلىك سەرىكتەستەر.
قۇرىلىستى «بيپەكستروي» جشس-ءى جۇرگىزىپ جاتىر. ولار بۇگىنگە دەيىن 1 ميلليارد تەڭگەگە فرانتسيا مەن فينليانديانىڭ, رەسەيدىڭ جانە قازاقستاننىڭ تەحنيكاسىن ساتىپ العان. قازىر جول سالۋ, جاڭادان بوي كوتەرەتىن عيماراتتاردىڭ تاعانىن قۇيۋ جۇمىستارى قىزۋ ءجۇرىپ جاتىر.
بۇدان كەيىن «ازيا اۆتو قازاقستان» زاۋىتىنىڭ پرەزيدەنتى ەرجان مانديەۆ پەن رەسەيدەن كەلگەن ىسكەر ادامدار بىرقاتار كەلىسىمدەرگە قول قويدى. سودان كەيىن جاڭا قۇرىلىستىڭ اشىلۋ سالتاناتىنا وراي قۇتى-كاپسۋلاعا بەتون قۇيىلدى.
وڭداسىن ەلۋباي,
«ەگەمەن قازاقستان».
وسكەمەن.
سۋرەتتە: ارىپتەستەر كەزدەسۋى.
