نازارباەۆ ۋنيۆەرسيتەتىندە «قالدىقتاردى بولەك جينا – قازاقستاننىڭ تابيعاتىن ساقتايىق!» اكتسياسى ءوتتى.
نازارباەۆ ۋنيۆەرسيتەتىندە «قالدىقتاردى بولەك جينا – قازاقستاننىڭ تابيعاتىن ساقتايىق!» اكتسياسى ءوتتى.
اكتسيا «قازاقستان رەسپۋبليكاسىندا قالدىقتاردى بولەك جيناۋ جۇمىسىن ەنگىزۋ تۋرالى قوعامدى حاباردار ەتۋ» جوباسىنىڭ شەڭبەرىندە ءوتتى. جوبا قورشاعان ورتانى قورعاۋ مينيسترلىگىنىڭ قولداۋىمەن جۇزەگە اسىرىلدى, ال جوبانىڭ ورىنداۋشىسى رەتىندە «تۇراقتى دامۋعا كومەك كورسەتۋ» ورتالىعى (بۇدان ءارى – ورتالىق) مەن «Nazarbayev University Research and Innovation System» جاستار كەڭەسى بولىپ تابىلدى.
اكتسيانىڭ ماقساتى – نازارباەۆ ۋنيۆەرسيتەتى بازاسىندا قالدىقتاردى جيناۋ مەن جويۋدىڭ ەكولوگيالىق قاۋىپسىز جانە ەكونوميكالىق تۇرعىدا ءتيىمدى جۇيەسىن جاساۋ, «جاسىل ەكونوميكا» سالاسىندا يننوۆاتسيالىق تەحنولوگيالار مەن وزىق الەمدىك تاجىريبەنى ەنگىزۋ, سونداي-اق ۇدايى ءوسىپ كەلە جاتقان قالدىقتاردان قالانىڭ تازالىعى مەن اسەمدىگىن ساقتاپ قالۋ. قالدىقتاردى بولەك جيناۋ جۇيەسىن بارلىق جەرگە ەنگىزۋ ارقىلى بولاشاقتا 70% قايتالاما شيكىزاتتى جيناپ الۋ جوسپارلانىپ وتىر.
اكتسيانىڭ شەڭبەرىندە نازارباەۆ ۋنيۆەرسيتەتىندە قالدىقتاردى بولەك جيناۋ جۇيەسىنىڭ سالتاناتتى تۇردە ىسكە قوسىلۋى وتكىزىلدى, ناتيجەسىندە ۋنيۆەرسيتەتتە كونتەينەرلەردىڭ 4 ءتۇرى ورناتىلدى: ماكۋلاتۋرا (قاعاز, كارتون), پلاستيك قالدىقتارى (پەت- بوتەلكەلەر, پوليەتيلەن جانە ت.ب.), ەسكى ەلەكتروندىق تەحنيكا (سىنعان ۇيالى تەلەفوندار, كومپيۋتەرلەر, نوۋتبۋكتەر, ۇتىكتەر, فەن جانە ت.ب.), قالدىق-قوقىس. بۇل كونتەينەرلەردى كەلەشەكتە «قازاقستان قاعازى», «سويۋز PLAST» جانە «ەكو-دوم KZ» سەكىلدى قالدىقتاردى يگەرۋ بويىنشا ارنايى كومپانيالار بولەك تاسىپ شىعاراتىن بولادى.
«Nazarbayev University Research and Innovation System» مەكەمەسىنىڭ جاس عالىمى دياس تاستانبەكوۆ ۇسىنعان قىزىقتى جاڭالىقتاردىڭ ءبىرى «اقىلدى ۋرنالار» ەكو-يننوۆاتسيالىق كونتەينەرلەرى, ولار اداممەن سويلەسەدى. ولاردىڭ ەرەكشەلىگى – تولتىرىلۋ داتچيگى بار ۋرنا لاقتىرىلعان قوقىس ءۇشىن ادامعا «العىس بىلدىرەدى».
سونىمەن قاتار, «Nazarbayev University Research and Innovation System» جاستار كەڭەسى ورتالىقپەن بىرلەسىپ ۋنيۆەرسيتەتتە قايتالاما ماتەريالداردان زاتتاردى ءوندىرۋ بويىنشا «Garbage-art competition» كونكۋرسىن وتكىزدى. قايتا وندىرىلەتىن ماتەريالداردى قولدانۋ كونكۋرسى ستۋدەنتتەر مەن قىزمەتكەرلەرگە وزدەرىنىڭ شىعارماشىلىق ويلارىن قايتا وڭدەلەتىن قالدىقتاردى (پلاستيك, قاعاز, كارتون, ەلەكتروندىق قالدىقتار جانە ت.ب.) پايدالانۋ سالاسىندا ىسكە اسىرۋعا مۇمكىندىك بەردى. كونكۋرسقا قاتىسۋشىلار جەكە تۇردە, سونداي-اق توپپەن بىرلەسىپ, 5 ادامعا دەيىن كوماندا قۇرىپ جۇمىس ىستەي الدى. كونكۋرستىڭ ماقساتى ۋنيۆەرسيتەتتىڭ ستۋدەنتتەرى مەن قىزمەتكەرلەرى اراسىندا قالدىقتاردى بولەك جيناۋ (قايتا ءوڭدەۋ) پروتسەسىنە كومەك كورسەتۋ بولىپ تابىلدى. كونكۋرستىڭ قورىتىندىلارى اكتسيا وتكىزىلگەن جەردە جيناقتالدى. كەلەشەكتە كونكۋرستا قايتا وڭدەلگەن قالدىقتاردان جاسالعان زاتتاردان اۋكتسيون وتكىزۋ جوسپارلانۋدا. اۋكتسيوننان تۇسكەن بارلىق قاراجات قايىرىمدىلىققا جۇمسالاتىن بولادى.
نازارباەۆ ۋنيۆەرسيتەتىنىڭ ستۋدەنتتەرى مەن قىزمەتكەرلەرىنەن باسقا ءىس-شاراعا مەملەكەتتىك ورگانداردىڭ, ۇەۇ, قايتا وڭدەۋ كومپانيالارىنىڭ, باق وكىلدەرى قاتىستى.
المات ساتىبالدين.
استانا.
