استانا قالاسىندا جەدەل رەسپيراتورلىق ۆيرۋستىق ينفەكتسيانىڭ الدىن الۋ جونىندەگى ايلىققا ارنالعان جيىن ءوتتى.
كەزدەسۋدە 1 – 30 قاراشا ارالىعىندا ەلىمىزدىڭ بارلىق ءوڭىرلەرىندە جرۆي, تۇماۋ جانە پنەۆموكوكتىق ينفەكتسيانىڭ الدىن الۋ بويىنشا ايلىق وتكىزىلىپ جاتقانى حابارلاندى.
استانا قالاسىندا جەدەل رەسپيراتورلىق ۆيرۋستىق ينفەكتسيانىڭ الدىن الۋ جونىندەگى ايلىققا ارنالعان جيىن ءوتتى.
كەزدەسۋدە 1 – 30 قاراشا ارالىعىندا ەلىمىزدىڭ بارلىق ءوڭىرلەرىندە جرۆي, تۇماۋ جانە پنەۆموكوكتىق ينفەكتسيانىڭ الدىن الۋ بويىنشا ايلىق وتكىزىلىپ جاتقانى حابارلاندى.
مسەقكد باسشىسىنىڭ ورىنباسارى م.ءجۇسىپوۆانىڭ ايتۋىنشا, تۇماۋ مەن جرۆي دۇنيە ءجۇزى بويىنشا تىركەلگەن جۇقپالى اۋرۋلار اراسىندا العاشقى ورىنعا يە. جرۆي مەن تۇماۋدى تۋىنداتاتىن ۆيرۋستار مۇرىن مەن تاماقتان باستاپ, وكپەگە دەيىن بارلىق كەڭىستىكتەگى ەپيتەليلى جاسۋشالاردى زاقىمدايدى.
دۇنيەجۇزىلىك دەنساۋلىق ساقتاۋ ۇيىمىنىڭ مالىمەتى بويىنشا جىل سايىن الەمنىڭ جەر-جەرىندە تۇماۋدىڭ 3-5 ملن. ءتۇرى تىركەلىپ, تۇماۋ ينفەكتسياسىنىڭ كەسىرىنەن بولعان 250-500 مىڭ ءولىم-ءجىتىم وقيعاسى تىركەلگەن.
قازاقستاندا سانيتارلىق- ەپيدەميولوگيالىق ساراپتاۋ جانە قاداعالاۋ عىلىمي-تاجىريبەلىك ورتالىعىنىڭ دەرەكتەرىنە قاراعاندا, بىلتىر 1 044 834 جرۆي-گە شالدىعۋ جانە 626 تۇماۋ وقيعاسى, ال استانا قالاسى بويىنشا بيىلعى جىلدىڭ 9 ايىندا 39 118 جرۆي-گە شالدىعۋ وقيعاسى تىركەلگەن.
شارانىڭ ماقساتى: حالىقتى, اسىرەسە, جۇكتى ايەلدەر مەن 1 جاسقا دەيىنگى بالالارى بار جانە بالالارعا ارناپ ۇيىمداستىرىلعان ۇجىمدارعا باراتىن اتا-انالار اراسىندا جەكە جانە قوعامدىق قورعانىس شارالارى, تۇرعىنداردى اسقىنۋدىڭ الدىن الۋ ءۇشىن زاماناۋي مەديتسينالىق كومەككە جۇگىنۋدىڭ قاجەتتىلىگى تۋرالى حاباردار ەتۋ. سونىمەن بىرگە, كەزدەسۋدە مسەقكد باسشىسىنىڭ ورىنباسارى 633 ملن. تەڭگە بيۋدجەت قارجىسىنا تۇماۋعا قارسى ۆاكتسينا ساتىپ الىنعانىن اتاپ ءوتتى.
ايجۇلدىز ەربولاتقىزى,
ل.ن.گۋميلەۆ اتىنداعى
ەۇۋ ستۋدەنتى.
