2013 جىلعى 23 تامىز, استانا قالاسى
«حالىقارالىق تۇراقتى ەمەس ۇشۋلاردى ورىنداۋعا ارنالعان رۇقساتتاردى بەرۋ ەرەجەسىن جانە بەرۋدەن باس تارتۋ نەگىزدەرىن بەكىتۋ تۋرالى» قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ مىندەتىن اتقارۋشىنىڭ 2010 جىلعى 13 تامىزداعى № 359 بۇيرىعىنا تولىقتىرۋ ەنگىزۋ تۋرالى
«قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» قازاقستان رەسپۋبليكاسى زاڭىنىڭ 40-بابىنىڭ 4-1-تارماعىنا سايكەس, بۇيىرامىن:
1. «حالىقارالىق تۇراقتى ەمەس ۇشۋلاردى ورىنداۋعا ارنالعان رۇقساتتاردى بەرۋ ەرەجەسىن جانە بەرۋدەن باس تارتۋ نەگىزدەرىن بەكىتۋ تۋرالى» قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ مىندەتىن اتقارۋشىنىڭ 2010 جىلعى 13 تامىزداعى № 359 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6463 تىركەلگەن, «ەگەمەن قازاقستان» گازەتىندە 2010 جىلعى 5 قازانداعى № 262 (26323) جاريالانعان) مىناداي تولىقتىرۋ ەنگىزىلسىن:
كورسەتىلگەن بۇيرىقپەن بەكىتىلگەن حالىقارالىق تۇراقتى ەمەس ۇشۋلاردى ورىنداۋعا ارنالعان رۇقساتتاردى بەرۋ ەرەجەسىندە جانە بەرۋدەن باس تارتۋ نەگىزدەرىندە:
18-تارماق مىناداي مازمۇنداعى 2-1) تارماقشاسىمەن تولىقتىرىلسىن:
«2-1) ەگەر شەتەلدىك پايدالانۋشىنىڭ ازاماتتىق اۋە كەمەسىنىڭ چارتەرلى رەيسى قازاقستان رەسپۋبليكاسى اۋماعىندا قۇرالاتىن جولاۋشىلار توبىن كوممەرتسيالىق تاسىمالداۋمەن بايلانىستى جوسپارلاناتىن بولسا, مىنالاردى قوسپاعاندا:
قازاقستان رەسپۋبليكاسى مەملەكەتتىك ورگاندارىنىڭ كۇزەتىلۋدەگى جانە باسقا دا لاۋازىمدىق تۇلعالاردى تاسىمالداۋدى;
كومەك كورسەتۋگە ارنالعان تاسىمالداۋلاردى;
جەكە ماقساتتارداعى نەمەسە قىزمەتتىك ساپارداعى چارتەرلى رەيستەردى;
قازاقستان رەسپۋبليكاسى اۆياتسيالىق بيلىك ورگاندارى مەن شەت مەملەكەتتىڭ اۆياتسيالىق بيلىك ورگاندارى اراسىنداعى جازبا ۋاعدالاستىقتار شەڭبەرىندە ورىندالاتىن ۇشۋلاردى;
قازاقستاندىق اۆياكومپانيالاردىڭ چارتەرلىك ۇشۋلاردى ورىنداۋ مۇمكىندىگى بولماعان جاعدايدا;
شەتەلدىك اۆياكومپانيا قازاقستان رەسپۋبليكاسى اۆياكومپانيالارىنا شەكتەۋلەر بار مەملەكەتتەرگە چارتەرلىك رەيستى ورىنداۋ ءوتىنىمىن بەرگەن جاعدايدا».
2. قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ ازاماتتىق اۆياتسيا كوميتەتى (ب.ك. سەيداحمەتوۆ) بەلگىلەنگەن تارتىپپەن:
1) اتالعان بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىنەن كەيىن, ونىڭ بۇقارالىق اقپارات قۇرالدارىندا, سونىڭ ىشىندە قازاقستان رەسپۋبليكاسى كولىك جانە كوممۋنيكاتسيا مينيسترلىگى ينتەرنەت-رەسۋرسىندا رەسمي جاريالانۋىن جانە مەملەكەتتىك ورگانداردىڭ ينترانەت-پورتالىندا ورنالاستىرۋىن;
3) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىنەن كەيىن 5 جۇمىس كۇن مەرزىمدە قازاقستان رەسپۋبليكاسى كولىك جانە كوممۋنيكاتسيا مينيسترلىگى زاڭ دەپارتامەنتىنە مەملەكەتتىك تىركەلۋ تۋرالى مەن بۇقارالىق اقپاراتتار قۇرالدارىنا جاريالاۋعا جىبەرىلگەنى تۋرالى مالىمەت بەرىلۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ كولىك جانە كوممۋنيكاتسيا ۆيتسە-ءمينيسترى ا.ع. بەكتۇروۆقا جۇكتەلسىن.
4. وسى بۇيرىق العاشقى رەسمي جاريالانعاننان كەيىن 10 كۇنتىزبەلىك كۇن وتكەن سوڭ قولدانىسقا ەنگىزىلەدى.
مينيستر ا. جۇماعاليەۆ.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 16 قىركۇيەكتە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №8740 بولىپ ەنگىزىلدى.
