2013 جىلعى 6 تامىز, استانا قالاسى
«تەمىرجول ستانتسيالارىنىڭ جۇمىس رەجيمىنە قويىلاتىن تالاپتاردى بەكىتۋ تۋرالى» كولىك جانە كوممۋنيكاتسيالار ءمينيسترىنىڭ 2004 جىلعى 29 قىركۇيەكتەگى № 366-ءى بۇيرىعىنا وزگەرىستەر ەنگىزۋ تۋرالى
«تەمىرجول كولiگى تۋرالى» قازاقستان رەسپۋبليكاسىنىڭ زاڭىنىڭ 17-بابى 2-تارماعىنا سايكەس بۇيىرامىن:
1. «تەمىرجول ستانتسيالارىنىڭ جۇمىس رەجيمىنە قويىلاتىن تالاپتاردى بەكىتۋ تۋرالى» كولىك جانە كوممۋنيكاتسيالار ءمينيسترىنىڭ 2004 جىلعى 29 قىركۇيەكتەگى № 366-ءى بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە 2004 جىلعى 28 قازاندا № 3175 تىركەلدى, «قازاقستان رەسپۋبليكاسى ورتالىق اتقارۋشى جانە وزگە دە مەملەكەتتىك ورگاندارىنىڭ نورماتيۆتىك قۇقىقتىق اكتىلەر بيۋللەتەنى», 2005 ج., № 1, 4-قۇجات) مىناداي وزگەرىستەر ەنگىزىلسىن:
كورسەتىلگەن بۇيرىقپەن بەكىتىلگەن تەمىر جول ستانتسيالارىنىڭ جۇمىس رەجيمىنە قويىلاتىن تالاپتاردا:
4 جانە 5-تارماقتار كەلەسى مازمۇندا جازىلسىن:
«4. ستانتسيا ۇلتتىق ينفراقۇرىلىم وپەراتورى بەكىتكەن پايدالانۋ جۇمىستارىنىڭ ايلىق تەحنيكالىق نورمالارى نەگىزىندە ستانتسيا باستىعى بەكىتەتىن پايدالانۋ جۇمىستارىنىڭ ايلىق تەحنيكالىق نورمالارىنا سايكەس وندىرىستىك قىزمەتتى جۇزەگە اسىرادى.»;
5. ستانتسيا بەكىتىلگەن تەحنولوگيالىق پروتسەستىڭ, قوزعالىس كەستەسىنىڭ, پوەزداردى قۇراستىرۋ جوسپارى مەن ۆاگونداردان جۇك ءتۇسىرۋ (بوساتۋ) جانە بوس تۇرۋى جونىندەگى ايلىق تەحنيكالىق نورماتيۆتەرىنىڭ نەگىزىندە, تەحنيكالىق قۇرالداردى ءتيىمدى پايدالانۋدى, جىلجىمالى قۇرامنىڭ بوس تۇرۋىن قىسقارتۋدى, جولاۋشىلارعا, جۇك جونەلتۋشىلەر مەن جۇك الۋشىلارعا ۋاقتىلى جانە ساپالى قىزمەت كورسەتۋدى, جۇك جانە جولاۋشى پوەزدارىنىڭ قوزعالىسى كەستەسىنىڭ ورىندالۋىن, پوەزدار قوزعالىسى قاۋىپسىزدىگىن, جىلجىمالى قۇرام مەن تاسىمالداناتىن جۇكتەردىڭ ساقتالۋىن قامتاماسىز ەتە وتىرىپ جۇمىستاردى ۇيىمداستىرادى.
ستانتسيا جۇمىسىنىڭ تەحنولوگيالىق پروتسەسىن متج وپەراتورى ازىرلەيدى جانە بەكىتەدى.
ونەركاسىپتىك ستانتسيالار مەن متج-عا ىرگەلەس كىرمە جولدار ۇيىمدارى ءۇشىن جۇمىستىڭ بىرىڭعاي تەحنولوگيالىق پروتسەسىن تارماق يەسى ازىرلەيدى جانە ونى متج وپەراتورى بەكىتەدى.».
2. قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ كولىك جانە قاتىناس جولدارى كوميتەتى (ر.ق. ماعزۇموۆ) وسى بۇيرىقتىڭ:
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە زاڭنامادا بەلگىلەنگەن تارتىپپەن مەملەكەتتىك تىركەۋدى;
2) ونىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن بۇقارالىق اقپارات قۇرالدارىندا, ونىڭ ىشىندە قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ ينتەرنەت -رەسۋرسىندا رەسمي جاريالانۋىن جانە ونىڭ قازاقستان رەسپۋبليكاسىنىڭ مەملەكەتتىك ورگاندارىنىڭ ينتەرنەت-پورتالىندا ورنالاستىرىلۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋدى وزىمە قالدىرامىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
ءمينيستردىڭ مىندەتىن اتقارۋشى ر.سكليار.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2012 جىلعى 28 تامىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 8677 بولىپ ەنگىزىلدى.
