سوڭعى جىلدارى شىعىستا ەسكەرتكىش توڭىرەگىندە ماسەلە كوپ. سونىڭ ىشىندە ابايعا قاتىستىسىن جىپكە تىزگەندەي اتاپ وتەيىك: 2014 جىلى وسكەمەندەگى اباي داڭعىلى مەن ميحاەليس كوشەسىنىڭ قيىلىسىنا قوس دوستىڭ مۇسىندەرى ورناعان. ەسكەرتكىشتىڭ ءساتسىز شىققانى سونداي, الەۋمەتتىك جەلى قولدانۋشىلارى «بۇل دەگەن مادەني مۇرا مەن تاريحقا جاسالعان قيانات» دەپ تالقىعا سالدى. اقىرى ەسكەرتكىش ءبىر كۇن تۇرار-تۇرماستان ورنىنان الىندى. بۇعان قارجىنىڭ قانشا جۇمسالعانى بىزگە بەيمالىم ەدى.
2018 جىلى ابايدىڭ كەۋدە ءمۇسىنى كۇل-قوقىستىڭ اراسىندا جاتقانىن كورىپ, جاعامىزدى ۇستاعامىز. سويتسەك, ءمۇسىنشى ۆلاديمير سامويلوۆقا تاپسىرىس بەرگەندەر جاساتىپ الىپ, الماي قويعان ەكەن. ال ءمۇسىنشى شەبەرحاناسىندا ورىن بولماعان سوڭ كوشەگە شىعارىپ تاستاعان. ءمان-جاي انىقتالىپ, گازەتكە, سايتقا جازىلعان سوڭ قالا اكىمدىگى ساتىپ العان كورىنەدى.
ەندى مىنە, اباي داڭعىلىنىڭ بويىندا باياعىدان تۇرعان بارەلەف ءمۇسىننىڭ ج ۇلىم-ج ۇلىمى شىققان. مۇنداي كۇيدە تۇرعانىنا از ۋاقىت بولعان جوق. ال ءتيىستى مەكەمە قاشان قالپىنا كەلتىرەرى بەلگىسىز.
وسكەمەن
