«بۇگىنگى تاڭدا ادامدار قوعام ومىرىنە بەلسەندى اتسالىسقىسى كەلەدى. وزگەرىستەرگە, جاڭا تۇلعالار مەن تىڭ يدەيالارعا دەگەن سۇرانىس ارتا تۇسۋدە. ەلىمىزدىڭ جەتەكشى ساياسي كۇشى رەتىندە Nur Otan پارتياسى ەل سۇرانىسىن دەر كەزىندە قاناعاتتاندىرىپ وتىر. جاريا تۇردەگى پارتياىشىلىك ىرىكتەۋ ەلىمىز ءۇشىن سونى ساياسي جاڭالىق رەتىندە جۇرت قىزىعۋشىلىعىن تۋدىرعانى ءسوزسىز. وبلىسىمىزدان پرايمەريزگە 800 ادام قاتىستى. اۋقىمدى ۇگىت-ناسيحات جۇمىسى, جۇزدەگەن كەزدەسۋلەر وتكىزىلىپ, 150-دەن استام جاريا پىكىرتالاس ۇيىمداستىرىلدى.
پرايمەريز ايماقتىڭ قوعامدىق-ساياسي ومىرىنە قاجەت پارتيا مۇشەلەرىن تاڭداۋعا كومەكتەستى. پرايمەريزگە قاتىسۋشىلاردىڭ بارلىعى, رەيتينگىنە قاراماستان, پارتيانىڭ كونسۋلتاتيۆتىك كەڭەس ورگاندارىنا ەنگىزىلەدى. پرايمەريزگە بەلسەندى قاتىسقان ۇمىتكەرلەرگە العىس بىلدىرگىم كەلەدى», دەدى ارحيمەد مۇحامبەتوۆ.
قاتىسۋشىلار تاراپىنان دا جىلى لەبىز بىلدىرۋشىلەر تابىلىپ جاتتى.
«مەن Nur Otan پارتياسىنا وسىنداي مۇمكىندىك بەرگەنى ءۇشىن ۇلكەن العىسىمدى بىلدىرگىم كەلەدى. ءبىز ءۇشىن بۇل زور تاجىريبە بولدى. وتكىزگەن ءاربىر كەزدەسۋىمىز بەن كەزدەستىرگەن ءاربىر ادام ءبىزدى جاڭا دۇنيەلەرگە ۇيرەتتى. پرايمەريز بىزگە جاڭا دوس, سىرلاس تاۋىپ بەردى. بارلىعىڭىزعا العىسىم شەكسىز», دەدى ناتاليا لاپشينا.
پرايمەريز وتكىزۋ جونىندەگى ورتالىق ۇيىمداستىرۋ كوميتەتىنىڭ اقپاراتىنا سايكەس, قوستاناي وبلىسى بويىنشا ءتورت كۇنگە سوزىلعان داۋىس بەرۋگە 38 609 ادام قاتىستى. بۇل – اقپاراتتىق جۇيەدە تىركەلگەن پارتيا مۇشەلەرىنىڭ 85,5 %-ى. سايلاۋشىلاردىڭ باسىم بولىگى, ياعني 29 215 ادام ونلاين داۋىس بەردى. 9394 پارتيالىق ءداستۇرلى ءادىستى پايدالانىپ, سايلاۋ ۋچاسكەلەرىنە كەلدى.
«وسى كورسەتكىشتەردىڭ ءوزى-اق ەلىمىزدە عانا ەمەس, بۇكىل ورتا ازيادا تۇڭعىش رەت ۇيىمداستىرىلعان جاڭا ساياسي قۇرال – پرايمەريزگە جۇرتتىڭ ەرەكشە قىزىعۋشىلىق تانىتقانىن جانە ونىڭ ءوز دەڭگەيىندە وتكەنىن ايقىن كورسەتتى. سايلاۋ قورىتىندىلارى بويىنشا بۇكىل مالىمەت «پرايمەريز» اقپاراتتىق جۇيەسىنە تولىق سالىنىپ, https://nurotan.kz جانە https://primaries.kz سايتتارىندا بارشاعا قولجەتىمدى. قالاعان ادام كىرىپ, كورە الادى. جالپى, پرايمەريز ناتيجەسىندە ەلباسى باستاماسىمەن بىلتىر قولعا الىنعان پارتيانى «قايتا جانداندىرۋ» باعدارلاماسى تۇيىندەلدى. وسىلايشا, «مىقتى ليدەرلەر – مىقتى پارتيا» قاعيداتى بويىنشا تۇبەگەيلى جاڭعىرىپ, قاتارى جاڭا تۇلعالارمەن تولىقتى», دەيدى Nur Otan پارتياسىنىڭ قوستاناي وبلىستىق فيليالى توراعاسىنىڭ ءبىرىنشى ورىنباسارى ەلدار كۇزەنباەۆ.
قوستاناي وبلىسى
