شەكارا كۇزەتىندە تۇرعان اسكەري بولىمشەگە 3-قازانعا قاراعان ءتۇنى قارابالىق اۋداندىق پوليتسيا بولىمىنەن ەكى باس جىلقىنىڭ ۇرلانعانى تۋرالى اقپارات تۇسەدى. شەكاراشىلار مەن ىشكى ىستەر قىزمەتكەرلەرىنىڭ جەدەل ىزدەستىرۋ شارالارىنىڭ ناتيجەسىندە كوپ ۋاقىت وتپەي جىلقىلاردىڭ رەسەي شەكاراسىنا جاقىن ماڭدا بايلاۋلى تۇرعانى انىقتالادى. «توبىل» جانە «ايەت» شەكارا بولىمشەلەرىنىڭ اسكەري قىزمەتشىلەرى جىلقىلاردى بىردەن ايداپ كەتپەي, ۇرىنىڭ ورالۋىن كۇتەدى. وسىلايشا, سول ماڭداعى قالىڭ قامىسقا بوي تاسالايدى.
"2020 جىلعى 3-قازاندا تاڭەرتەڭ ءوزى ۇرلاعان جىلقىلاردى الىپ كەتۋگە كەلگەن قازاقستان رەسپۋبليكاسىنىڭ ازاماتى ۇستالدى. اتالمىش وقيعاعا قاتىستى قۇزىرلى ورگاندار سوتقا دەيىنگى تەرگەپ-تەكسەرۋدى باستادى", - دەپ مالىمدەدى قر ۇقك شق قوستاناي وبلىسى بويىنشا دەپارتامەنتىنىڭ ءباسپاسوز قىزمەتى.
قوستاناي وبلىسى
