قازاقستان • 24 قىركۇيەك، 2020

ەرلان قارين ءولىم جازاسىن الىپ تاستاۋعا بايلانىستى پىكىر ءبىلدىردى

30 رەت كورسەتىلدى

پرەزيدەنتتىڭ كومەكشىسى ەرلان قارين قازاقستاندا ءولىم جازاسىنىڭ رەسمي تۇردە الىنىپ تاستالۋىنا قاتىستى پىكىر ءبىلدىردى، دەپ حابارلايدى Egemen.kz

"ۇلتتىق كەڭەس اياسىندا كوتەرىلگەن تاعى ءبىر باستاما ىسكە استى. قازاقستان ءولىم جازاسىن جويۋعا باعىتتالعان ازاماتتىق جانە ساياسي قۇقىقتار تۋرالى حالىقارالىق پاكتىگە ەكىنشى فاكۋلتاتيۆتىك حاتتاماعا قول قويدى. اتالمىش قۇجات ءولىم جازاسىن الىپ تاستاۋدى كوزدەيدى. قازىرگى ۋاقىتتا قازاقستاندا ءولىم جازاسىن ورىنداۋعا موراتوري جاريالانعان. بۇل قۇجاتقا قوسىلۋ قاجەتتىگىن قازاقستاندىق قۇقىق قورعاۋشىلار مەن ساراپشىلار ۇلتتىق قوعامدىق سەنىم كەڭەسىنىڭ ءارتۇرلى الاڭىندا كوتەرگەن ەدى"، دەپ جازادى پرەزيدەنتتىڭ كومەكشىسى Telegram پاراقشاسىندا.

ناقتىراق ايتقاندا، بۇل باستامانى مەملەكەت باسشىسىنىڭ الدىندا وتكەن جىلدىڭ كۇزىندە بەلگىلى زاڭگەر جەمىس تۇرماعامبەتوۆا كوتەرگەن.

"وسىنىڭ ناتيجەسىندە ۇلتتىق كەڭەستىڭ 2019 جىلدىڭ جەلتوقسان ايىنداعى وتىرىسىندا پرەزيدەنت قاسىم-جومارت توقاەۆ قر ءسىم-گە ەكىنشى فاكۋلتاتيۆتىك حاتتاماعا قوسىلۋ پروتسەدۋراسىن باستاۋدى تاپسىردى. بۇل باستاما ساياسي رەفورمالاردىڭ العاشقى پاكەتىنە ەنگىزىلدى. بۇگىن بىرىككەن ۇلتتار ۇيىمىنىڭ بۇۇ شتاب-پاتەرىندە قازاقستاننىڭ بۇۇ جانىنداعى تۇراقتى وكىلى قايرات وماروۆ ءولىم جازاسىن جويۋعا باعىتتالعان ازاماتتىق جانە ساياسي قۇقىقتار تۋرالى حالىقارالىق پاكتىگە ەكىنشى فاكۋلتاتيۆتىك حاتتاماعا قول قويدى. بۇل قادام - قىلمىستىق زاڭنامانى ىزگىلەندىرۋگە باعىتتالعان شارا"، دەيدى ەرلان قارين.

ەسكە سالا كەتسەك، 23 قىركۇيەكتە بۇۇ شتاب-پاتەرىندە قازاقستاننىڭ بۇۇ جانىنداعى تۇراقتى وكىلى قايرات وماروۆ ءولىم جازاسىن جويۋعا باعىتتالعان ازاماتتىق جانە ساياسي قۇقىقتار تۋرالى حالىقارالىق پاكتىگە ەكىنشى فاكۋلتاتيۆتىك حاتتاماعا قول قويعان بولاتىن.

 

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار