قوعام • 24 قىركۇيەك، 2020

الماتىدا ازىرگە كونتسەرت، سپەكتاكلدەر قويىلمايدى

8 رەت كورسەتىلدى

الماتى قالاسىنىڭ باس مەملەكەتتىك سانيتارلىق دارىگەرىنىڭ 15.08.2020 جىلعى №56 قاۋلىسىنا جانە ودان كەيىن ەنگىزىلگەن وزگەرىستەرگە سايكەس، "شەكتەۋ شارالارىن بىرتىندەپ جەڭىلدەتۋ تۋرالى" بارلىق مادەني نىساندارىنىڭ (تەاترلار، كونتسەرت زالدارى، مۇراجايلار، كورمەلەر جانە ت.ب.) قىزمەتىنە تىيىم سالىندى، دەپ حابارلايدى Egemen.kz.

قازىرگە مادەنيەت نىساندارىندا 30 ادامنان اسپايتىن جەكە، توپتىق جاتتىعۋلارعا، كىتاپحانالار مەن مۇراجايلاردىڭ قىزمەتىنە رۇقسات بەرىلدى. ياعني، تەاترلار، مادەني نىسان بولعاندىقتان، جاتتىعۋلارعا رۇقسات ەتىلەدى، بىراق رەسمي پرەمەرالار مەن كورەرمەندەر قاتىساتىن قويىلىمدارعا  رۇقسات ەتىلمەيدى.

وسىعان وراي، قالاداعى كوروناۆيرۋستىق ينفەكتسياسىنىڭ ەپيدەميالىق جاعدايى تومەندەدى، بىراق، تۇراقتى ەمەس. بۇل شارا اۋرۋ كورسەتكىشتەرىن ەسكەرە وتىرىپ جانە جۇرگىزىلىپ جاتقان پروفيلاكتيكالىق، ەپيدەمياعا قارسى شارالاردى ودان ءارى باقىلاۋدا، جاڭا ينفەكتسيالىق جاعدايلاردىڭ تىركەلۋىنە جول بەرمەۋ ماقساتىندا ەنگىزىلدى. كورەرمەندەردىڭ تەاترلار مەن كينوتەاترلاردا، جابىق كەڭىستىكتە 1 ساعات نەمەسە ودان دا كوپ ۋاقىت بولماۋى دا ەسكەرىلدى.

باس مەملەكەتتىك سانيتارلىق دارىگەردىڭ قاۋلىسى، بارلىق جەكە جانە زاڭدى تۇلعالارعا، كاسىپكەرلىك سۋبەكتىلەر ءۇشىن ۇيىمداستىرۋ-قۇقىقتىق نىسانى مەن ۆەدومستۆولىق باعىنىستىلىعىنا قاراماستان مىندەتتى بولىپ تابىلادى.  

قوسىمشا، اۋماقتىق (قالانىڭ، وبلىستىڭ) باس مەملەكەتتىك سانيتارلىق دارىگەرى ەپيدەميالىق جاعدايعا بايلانىستى شەكتەۋلەردى ەنگىزۋ نەمەسە الىپ تاستاۋ تۋرالى شەشىمدەردى ءوز بەتىنشە قابىلداۋعا قۇقىلى.

سوڭعى جاڭالىقتار

ۇقساس جاڭالىقتار