1873 جىلى سالىنعان سەمەيدەگى ايەلدەر گيمنازياسىنىڭ عيماراتى تاريحي ساۋلەتىن جوعالتپاي وسى كۇنگە دەيىن ساقتالعان. العاشىندا ايەلدەر گيمانازياسى بولىپ اشىلعان ءزاۋلىم ءۇي كەيىن «زووۆەتينستيتۋت» بولىپ وزگەرگەن.
وتكەنگە كوز جىبەرسەك, كونە عيمارات 1917 جىلى ءبىر ورتەنسە, 1986 جىلى جەلتوقساندا تاعى دا ورتكە ورانعان. ەكى رەت تە ءورت ءبىر تۇستان شىعىپتى. ەدەنى قاراعايدان توسەلگەندىكتەن قىزىل جالىندى ءورت سوندىرۋشىلەر اۋىزدىقتاپ ۇلگىرمەگەن. سودان بەرى قاراۋسىز تۇر. بۇگىنگى كۇندە قىزىل كىرپىشتەن سوعىلعان قابىرعالارى عانا قالعان.
ەندى مامانداردىڭ ايتۋىنشا, عيماراتتىڭ قابىرعالارى ءۇش جەردەن جارىلىپ تۇر. جەر يەسىنىڭ ءوتىنىشى بويىنشا ءزاۋلىم ءۇيدى ارنايى ماماندار تەكسەرىپ, اپاتتى جاعدايدا تۇرعانىن انىقتاعان. ماڭايىنان ءارى-بەرى ءوتىپ جاتقان تۇرعىندار ءۇشىن قاۋىپتى بولعاندىقتان كوشەگە لەنتا تارتىلىپ, ەسكەرتۋ بەلگىسى قويىلعان.
سەمەي
