مەملەكەت باسشىسىنىڭ ايتۋىنشا, الداعى وزگەرىستەردىڭ باستى ماقساتى – زاڭ ۇستەمدىگىن, ادىلەتتىلىكتى جانە ازاماتتاردىڭ قاۋىپسىزدىگىن قامتاماسىز ەتۋ.
جيىندا ازاماتتاردىڭ قۇقىقتارى مەن بوستاندىقتارىن قورعاۋدى قامتاماسىز ەتۋدىڭ ءۇش بۋىندى مودەلىن قۇرۋ جانە قۇقىق قورعاۋ ورگاندارى مەن سوت جۇيەسى وكىلەتتىلىكتەرىنىڭ ارا-جىگىن اجىراتۋ ماسەلەلەرىنە باسىمدىق بەرىلدى. پرەزيدەنت اتالعان جۇيە زاڭدىلىق پەن ادىلەتتىلىكتى قالىپتاستىرۋ مەحانيزمىنىڭ كەپىلى بولۋعا ءتيىس ەكەنىن اتاپ ءوتتى.
قاسىم-جومارت توقاەۆ «جاڭا جاعدايداعى قازاقستان: ءىس-قيمىل كەزەڭى» جولداۋىنداعى مىندەتتەردى جۇزەگە اسىرۋدىڭ نەگىزگى باعىتتارىن بەلگىلەپ, قۇقىق قورعاۋ ورگاندارى باسشىلارىنا ناقتى تاپسىرمالار بەردى.
كەڭەسكە پرەزيدەنت اكىمشىلىگىنىڭ باسشىسى ەرلان قوشانوۆ, پرەزيدەنتتىڭ كومەكشىسى – قاۋىپسىزدىك كەڭەسىنىڭ حاتشىسى اسەت يسەكەشەۆ, پرەمەر-ءمينيستردىڭ ءبىرىنشى ورىنباسارى ءاليحان سمايىلوۆ, پرەمەر-ءمينيستردىڭ ورىنباسارى ەرالى توعجانوۆ, پرەزيدەنت اكىمشىلىگى باسشىسىنىڭ ءبىرىنشى ورىنباسارى داۋرەن اباەۆ, باس پروكۋرور عيزات نۇرداۋلەتوۆ, ۇلتتىق قاۋىپسىزدىك كوميتەتىنىڭ توراعاسى كارىم ءماسىموۆ, پرەزيدەنتتىڭ كومەكشىسى ەرلان قارين, قورعانىس ءمينيسترى نۇرلان ەرمەكباەۆ, ىشكى ىستەر ءمينيسترى ەرلان تۇرعىمباەۆ قاتىستى.
