12-30 تامىز ارالىعىندا وبلىس اۋماعىندا وتباسى-تۇرمىستىق قارىم-قاتىناستار سالاسىنداعى قۇقىق بۇزۋشىلىقتاردىڭ, ماس كۇيدە جاسالعان قىلمىستى الدىن الۋ جانە ەسكەرتۋ, ءىىو ەسەبىندە تۇرعان ادامداردى تەكسەرۋ ماقساتىندا “تۇرمىس” جەدەل الدىن الۋ ءىس-شاراسى ءوتتى.
اتالعان كەزەڭدە ۋچاسكەلىك پوليتسيا ينسپەكتورلارى ءتۇرلى قۇقىق بۇزۋشىلىقتار جاساعانى ءۇشىن 1627 قۇقىق بۇزۋشىنى اكىمشىلىك جاۋاپكەرشىلىككە تارتتى. ونىڭ ىشىندە 355 وتباسىلىق قىلمىسكەر اكىمشىلىك جاۋاپكەرشىلىككە تارتىلدى, قوعامدىق ورىنداردا الكوگولدىك ماساڭ كۇيدە بولعانى جانە قوعامدىق ورىنداردا سپيرتتىك ىشىمدىكتەر ىشكەنى ءۇشىن پوليتسيا بولىمشەلەرىنە 585 ادام جەتكىزىلدى, كامەلەتكە تولماعان بالالاردى تاربيەلەۋدەن جانە وقىتۋدان جالتارعانى ءۇشىن 42 اتا-انا اكىمشىلىك جاۋاپكەرشىلىككە تارتىلدى.
سونىمەن قاتار اتالعان ءىس-شارانى وتكىزۋ كەزىندە ۋچاسكەلىك پوليتسيا ينسپەكتورلارى وتباسى-تۇرمىستىق قاتىناستار سالاسىندا قۇقىق بۇزۋشىلىققا جول بەرگەن 770 ادامدى انىقتاپ, ءىىو-نا ەسەپكە قويدى, ونىڭ ىشىندە 620 ادامعا قاتىستى قورعاۋ ۇيعارىمدارى شىعارىلدى, سوت قۇقىق بۇزۋشىنىڭ مىنەز-قۇلقىنا 134 ادامعا قاتىستى ەرەكشە تالاپتار قويدى.
سونداي-اق يۋۆەنالدىق پوليتسيا قىزمەتكەرلەرى جەدەل الدىن الۋ ءىس-شارالارىن جۇرگىزۋ بارىسىندا 51 جايسىز وتباسىن انىقتاپ, پروفيلاكتيكالىق ەسەپكە قويدى. تۇرعىلىقتى جەرى بويىنشا بۇرىن ءىىو ەسەبىندە تۇرعان ادامدار تەكسەرىلدى.
