كوروناۆيرۋستىق ينفەكتسياعا قارسى كۇرەسىپ جاتقان مەديتسينا قىزمەتكەرلەرىنە ۇستەماقى اعىمداعى جىلدىڭ سوڭىنا دەيىن جالعاساتىنىن ايتتى. ناۋرىز بەن شىلدە ايى ارالىعىندا جالپى سوماسى 59,6 ميلليارد تەڭگەگە ۇستەماقى تولەنگەن بولاتىن. ەندى تاعى دا قوسىمشا 150 ميلليارد تەڭگە بولىنەدى. ءتيىستى ەسەپتەۋلەر قارجى مينيسترلىگىنە ەنگىزىلدى.
سونىمەن قاتار مەملەكەت باسشىسى بيىلدان باستاپ 2023 جىلعا دەيىن دارىگەرلەر مەن سانيتارلىق-ەپيدەميولوگيالىق قىزمەت ماماندارىنىڭ جالاقىسىن ەكونوميكاداعى ورتاشا ەڭبەكاقىدان ەكى ەسەگە ارتتىرۋدى تاپسىرعانى ءمالىم. 2021-2023 جىلدارعا ارنالعان رەسپۋبليكالىق بيۋدجەت تۋالى زاڭدا اتالعان شىعىندار قاراستىرىلعان. 247 مىڭ مەديتسينا قىزمەتكەرىنىڭ جالاقىسىن كەزەڭ-كەزەڭمەن ارتتىرۋ شىعىندارى: 2021 جىلى-222,3 ملرد تەڭگە, 2022 جىلى-361,7 ملرد تەڭگە, 2023 جىلى-557,5 ملرد تەڭگە.
دەنساۋلىق ساقتاۋ مينيسترلىگى يندۋستريا جانە يننوۆاتسيالىق دامۋ مينيسترلىگىنە وتاندىق فارماتسەۆتيكا جانە مەديتسينالىق ونەركاسىپتى دامىتۋ بويىنشا حالىقارالىق ستاندارتتارعا سايكەس نەگىزدەلگەن كەشەندى ۇسىنىس ەنگىزەدى. حالىقتىڭ سۇرانىسىنا سايكەس ءوزىنىڭ تيىمدىلىگىن كورسەتكەن ءدارى-دارمەكتەرگە باسىمدىلىق بەرىلەدى.
13 جۇقپالى اۋرۋلار اۋرۋحاناسى سالىنادى. قازىرگى ۋاقىتتا ايماق اكىمدىكتەرى 12 ءمودۋلدى ينفەكتسيالىق اۋرۋحانانىڭ قۇرىلىس جۇمىستارىن قارقىندى جۇرگىزىپ جاتىر. تاعى ءبىر اۋرۋحاناعا كەشەندى جاڭعىرتۋ جاسالۋدا جانە الداعى قازان ايىندا قولدانىسقا بەرىلەدى. ۆيرۋستىڭ ەكىنشى تولقىنىنا دايىندىق جان-جاقتى جۇرگىزىلۋدە. قوسىمشا 2700 ينفەكتسيالىق توسەك-ورىن دايىندالۋدا.
2025 جىلعا قاراي مەملەكەتتىك جەكەمەنشىك ارىپتەستىك ەسەبىنەن سۋ جاڭا 20 مەديتسينالىق ورتالىق قۇرىلادى. ياعني, جوعارى تەحنولوگيامەن جابدىقتالعان كوپبەيىندى مەدمەكەمەلەر پايدا بولادى. شامامەن 1,5 ترلن تەڭگە ينۆەستيتسيا تارتىلادى دەپ جوسپارلانعان.
2021 جىلدىڭ سوڭىنا قاراي الماتى مەن نۇر-سۇلتان قالالارىندا ارقايسىسىندا 500 توسەك-ورىن بار كوپبەيىندى عىلىمي-زەرتتەۋ ورتالىقتارى سالىنادى. بۇل ەپيدەميولوگيالىق قاۋىپ-قاتەرلەردىڭ الدىن الۋعا مول مۇمكىندىك بەرەدى.
