"قىلمىستىق جانە قىلمىستىق-پروتسەسۋالدىق زاڭنامانىڭ تۇراقتىلىعىن قامتاماسىز ەتۋ ماڭىزدى. ونى ءجيى تۇزەتۋ مەن وزگەرىس ەنگىزۋ قۇقىقتى قولدانۋعا كەرى ىقپال ەتەدى جانە بىركەلكى تەرگەۋ جانە سوت پراكتيكاسىن جاساۋعا مۇمكىندىك بەرمەيدى", دەدى ق. توقاەۆ. ايتا كەتەيىك, بۇگىن مەملەكەت باسشىسى قاسىم-جومارت توقاەۆ پارلامەنت پالاتالارىنىڭ بىرلەسكەن وتىرىسىندا قازاقستان حالقىنا جىل سايىنعى ءداستۇرلى جولداۋىن جاريالاۋدا. جولداۋدى بارلىق رەسپۋبليكالىق تەلەارنالار تىكەلەي ەفير ارقىلى كورسەتىپ, نەگىزگى راديوستانتسيالار تىكەلەي تولقىندا تاراتادى.
