پرەزيدەنت • 01 قىركۇيەك، 2020

ق.توقاەۆ: قوعامدىق كەڭەستەردىڭ ءرولى ارتۋى ءتيىس

148 رەت كورسەتىلدى

مەملەكەت باسشىسى قاسىم-جومارت توقاەۆ حالىققا جولداۋىندا سىبايلاس جەمقورلىقپەن كۇرەسۋ ءۇشىن قوعامدىق كەڭەستەردىڭ ءرولىن ارتتىرۋ قاجەتتىگىنە توقتالدى، دەپ حابارلايدى Egemen.kz.

«سىبايلاس جەمقورلىقپەن كۇرەس بارىنشا جۇيەلى سيپات الۋدا. جەمقورلىقتىڭ پايدا بولۋ سەبەپتەرىنە كوبىرەك نازار اۋدارىلىپ، الدىن الۋ جۇمىستارى جۇرگىزىلۋدە. ەندى، جەمقورلىققا اپاراتىن فاكتورلاردى انىقتاۋ ءۇشىن مەملەكەتتىك ورگاندار مەن كۆازيمەملەكەتتىك سەكتوردىڭ نورماتيۆتىك اكتىلەرمەن جۇمىس ۇدەرىسىنە جەمقورلىققا قارسى كۇرەس تۇرعىسىنان ارنايى تالداۋ جۇرگىزگەن ءجون.

سونىمەن قاتار سىبايلاس جەمقورلىقپەن كۇرەس جاۋاپقا تارتۋدان قورىققان شەنەۋنىكتەردى دەربەستىك، باستاماشىلدىق جانە جەدەل ارەكەت ەتۋ قاتەرىنەن ايىرماۋعا ءتيىس. ءبىز مەملەكەتتىك باقىلاۋعا بالاما رەتىندە قوعامدىق باقىلاۋ ينستيتۋتىن قولداي وتىرىپ، ءتيىستى قۇقىقتىق نەگىز قالىپتاستىرۋىمىز كەرەك»، دەدى پرەزيدەنت.

وسىعان بايلانىستى مەملەكەتتىك ورگانداردىڭ، كۆازي مەملەكەتتىك سەكتوردىڭ قوعام الدىنداعى اشىقتىعىن جانە ەسەپتىلىگىن قامتاماسىز ەتۋگە جول اشاتىن قوعامدىق باقىلاۋ تۋرالى زاڭدى ازىرلەپ، قابىلداۋدى تاپسىردى.

«قوعامدىق كەڭەستەردىڭ ءرولىن ارتتىرا ءتۇسۋ كەرەك. ولاردى ساتىپ الۋدى ۇيىمداستىراتىن كوميسسيالاردىڭ جۇمىسىنا تارتۋ قاجەت. سونداي-اق كۆازي مەملەكەتتىك سەكتوردا قوعامدىق كەڭەس قۇرۋ مۇمكىندىگىن قاراستىرۋ كەرەك. پارلامەنت قارالىمىنداعى ءتيىستى زاڭ جوباسىن جىل اياعىنا دەيىن قابىلداعان ءجون. سونىمەن قاتار قوعامدىق كەڭەستەردىڭ قۇرامىنا ءتۇرلى الەۋمەتتىك توپ وكىلدەرىن كەڭىنەن تارتۋ كەرەك. مىسالى، ءبىز مۇمكىن شەكتەۋلى ادامدار وسىنداي ۇيىمداردىڭ جۇمىسىنا ارالاسىپ، ءوز ۇندەرىن جەتكىزۋ ءۇشىن قولايلى جاعداي جاساۋىمىز قاجەت. ولار ارقاشان مەملەكەتتىڭ ەرەكشە نازارىندا بولۋعا ءتيىس»، دەدى ق.توقاەۆ.

سوڭعى جاڭالىقتار

قىرعىزدىڭ وڭىندەي...

ونەر • بۇگىن، 08:35

تاعى دا تاريف تۋرالى

ايماقتار • كەشە

قولدان شاپقان قوبىز

رۋحانيات • كەشە

كۇلاندا اپا

ەڭ قىسقا اڭگىمە • كەشە

الاش ات تاريحى

قوعام • كەشە

ءبىر ولەڭنىڭ تاريحى

ادەبيەت • كەشە

سۇلتانماحمۇت جەڭىسى

ادەبيەت • كەشە

دالا مەن دارىن

تاريح • كەشە

ۇقساس جاڭالىقتار