"مەنىڭ تاپسىرمامنىڭ اياسىندا تۇرعىندار زەينەتاقى جيناقتارىنىڭ بولىگىن پايدالانۋ ماسەلەسى قاراستىرىلدى. بۇل - قازىر وتە وزەكتى. 2021 جىلى بىرىڭعاي جيناقتاۋشى زەينەتاقى قورىنىڭ 700 مىڭ سالىمشىسى ءوز جيناعىنىڭ بولىگىن ءۇي الۋ, ەمدەلۋ ءۇشىن پايدالانا الادى نەمەسە قارجى ۇيىمدارىنىڭ باسقارۋىنا بەرە الادى. ۇكىمەتكە ۇلتتىق بانكپەن بىرلەسە جىل سوڭىنا دەيىن ءتيىستى نورماتيۆتىك-قۇقىقتىق اكتىلەردى قابىلداۋدى جانە دايىندىق جۇمىستارىن جۇرگىزۋدى تاپسىرامىن. بۇل رەفورما تۇرعىندارعا زەينەتاقى جيناعىنا اقشا سالۋعا ستيمۋل بولادى. تۇرعىن ءۇي ماسەلەلەرىن وزدىگىنەن شەشۋگە تابىسى جەتپەيتىن ازاماتتارعا الەۋمەتتىك قولداۋ كورسەتىلەدى", دەدى پرەزيدەنت جولداۋىندا.
