«نۇر وتان» پارتياسى وبلىستىق فيليالىندا اقتوبە وبلىسى ۇكىمەتتىك ەمەس ۇيىمدارىنىڭ VI كونفەرەنتسياسى ءوتتى. وعان مەملەكەتتىك ورگانداردىڭ, بەلسەندى ۇكىمەتتىك ەمەس ۇيىمداردىڭ, ەتنومادەني بىرلەستىكتەردىڭ جەتەكشىلەرى, كاسىپوداق ۇيىمدارىنىڭ وكىلدەرى, وبلىستىق ءماسليحات دەپۋتاتتارى, بيزنەس-قۇرىلىم وكىلدەرى, ارداگەرلەر قاتىستى.
ازاماتتىق فورۋم قازىرگى تاڭدا مەملەكەت پەن ۇكىمەتتىك ەمەس ۇيىمداردىڭ ورتاق ۇنقاتىسۋ الاڭى بولىپ ەسەپتەلەدى.
«نۇر وتان» پارتياسى وبلىستىق فيليالىندا اقتوبە وبلىسى ۇكىمەتتىك ەمەس ۇيىمدارىنىڭ VI كونفەرەنتسياسى ءوتتى. وعان مەملەكەتتىك ورگانداردىڭ, بەلسەندى ۇكىمەتتىك ەمەس ۇيىمداردىڭ, ەتنومادەني بىرلەستىكتەردىڭ جەتەكشىلەرى, كاسىپوداق ۇيىمدارىنىڭ وكىلدەرى, وبلىستىق ءماسليحات دەپۋتاتتارى, بيزنەس-قۇرىلىم وكىلدەرى, ارداگەرلەر قاتىستى.
ازاماتتىق فورۋم قازىرگى تاڭدا مەملەكەت پەن ۇكىمەتتىك ەمەس ۇيىمداردىڭ ورتاق ۇنقاتىسۋ الاڭى بولىپ ەسەپتەلەدى.وبلىس بويىنشا ءادىلەت دەپارتامەنتىندە 355 كوممەرتسيالىق ەمەس ۇيىم ءتىركەلگەن, ولاردىڭ 233-ءى قوعامدىق ۇيىمدار, 107-ءسى قوعامدىق قورلار, 15-ءى زاڭدى تۇلعالار بىرلەستىگى. ونىڭ ىشىندە 100-گە جۋىعى بەلسەندى جۇمىس ىستەيدى.
ۇستىمىزدەگى جىلى جۇرگىزىلگەن الەۋمەتتىك زەرتتەۋ جۇمىستارىنىڭ ناتيجەلەرى ۇكىمەتتىك ەمەس ۇيىمدار اينالىساتىن ماسەلەلەردىڭ باسىم كوپشىلىگى الەۋمەتتىك سيپاتقا يە ەكەندىگىن كورسەتتى. وبلىس تۇرعىندارىنىڭ 46 پايىزىۇەۇ-لار قىزمەتىن پايدالانعان. بۇل وڭىردەگى ازاماتتىق ينستيتۋتتار دامۋىنىڭ جاقسى كورسەتكىشى بولىپ تابىلادى.
جەرگىلىكتى اتقارۋشى ورگاندار جانىنداعى بارلىق كەڭەس بەرۋشى ورگاندار جۇمىسىنا ۇكىمەتتىك ەمەس ۇيىمدار بەلسەندى تۇردە ۇلەس قوسۋدا. 2002 جىلدان باستاپ وبلىس اكىمدىگى جانىندا مەملەكەتتىك ورگانداردىڭ جانە قوعامدىق بىرلەستىكتەردىڭ ءوزارا ءىس-قيمىلى جونىندەگى كەڭەس جۇمىس ىستەيدى. كەڭەس وتىرىستارىندا وبلىستىڭ الەۋمەتتىك-ەكونوميكالىق دامۋىنا قاتىستى وزەكتى ماسەلەلەر قارالىپ, قۇزىرلى ورگاندارعا ۇسىنىستار بەرىلەدى.
2013 جىلى مەملەكەتتىك الەۋمەتتىك تاپسىرىس اياسىندا 100-دەن استام جوبانى جۇزەگە اسىرۋ ماقساتىندا وبلىستىق بيۋدجەتتەن 163 ميلليون 536 مىڭ تەڭگە, رەسپۋبليكالىق بيۋدجەتتەن 25 ميلليون 737 مىڭ تەڭگە بولىنگەن.
كونفەرەنتسيادا وبلىس اكىمى ارحيمەد مۇحامبەتوۆ ۇكىمەتتىك ەمەس ۇيىمداردىڭ وبلىستىق VI كونفەرەنتسياسىنىڭ وتكىزىلۋ ماقساتىنا نازار اۋدارا كەلىپ, تاۋەلسىزدىكتىڭ جيىرما ەكى جىلى ىشىندە ولاردىڭ ەگەمەن ەلىمىزبەن بىرگە ەسەيىپ, بۇگىندە ازاماتتىق قوعامنىڭ بەلسەندى بولىگىنە اينالعانىن اتاپ ءوتتى.
قازاقستاننىڭ ازاماتتىق اليانسىنىڭ پرەزيدەنتى نۇرلان ەرىمبەتوۆ ۇكىمەتتىك ەمەس ۇيىمدار الدىندا تۇرعان مىندەتتەرگە كەڭىرەك توقتالدى. ال «اقتوبە وبلىسى ۇكىمەتتىك ەمەس ۇيىمدارىنىڭ قاۋىمداستىعى» زاڭدى تۇلعالار بىرلەستىگىنىڭ ديرەكتورى ايگۇل دۇيسەنوۆا جانە باسقالار جارىسسوزگە شىعىپ, مەملەكەتتىك ورگاندار مەن ۇكىمەتتىك ەمەس ۇيىمداردىڭ ءوزارا بايلانىسى, پروبلەمالارى مەن پەرسپەكتيۆالارى جونىندە ءسوز قوزعادى. كونفەرەنتسيا جۇمىسى بارىسىندا ءبىر توپ ۇكىمەتتىك ەمەس ۇيىمدار جەتەكشىلەرى وبلىس اكىمىنىڭ العىس حاتىمەن جانە 50 مىڭ تەڭگە اقشالاي سىيلىعىمەن ماراپاتتالدى.
كونفەرەنتسيا قورىتىندىسى بويىنشا ۇستىمىزدەگى جىلدىڭ قاراشا ايىندا استانا قالاسىندا وتەتىن VI ازاماتتىق فورۋمعا دەلەگاتتار سايلاندى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
