وڭتۇستىك قازاقستان • 30 تامىز، 2020

مۇرات ايتەنوۆ: اتا زاڭ − مەملەكەتىمىزدىڭ التىن قازىعى، باستى قۇندىلىعى

286 رەت كورسەتىلدى

شىمكەنت قالاسىنىڭ اكىمى مۇرات ايتەنوۆ كونستيتۋتسيا كۇنىمەن قۇتتىقتادى، دەپ حابارلايدى Egemen.kz

قۇرمەتتى شىمكەنت قالاسىنىڭ تۇرعىندارى مەن قوناقتارى!

سىزدەردى قازاقستان رەسپۋبليكاسىنىڭ كونستيتۋتسياسى كۇنىمەن شىن جۇرەكتەن قۇتتىقتايمىن! بيىل اتا زاڭىمىزعا  25 جىل تولىپ وتىر. 1995 جىلى 30 تامىزدا رەسپۋبليكادا وتكەن بۇكىلحالىقتىق رەفەرەندۋم ناتيجەسىندە قابىلدانعان بۇل كونستيتۋتسيانىڭ 1993 جىلعى كونستيتۋتسيادان ايىرماشىلىعى ونىڭ مازمۇنىنىڭ ساپاسىندا ەدى. جاڭا كونستيتۋتسياعا العاش رەت ازاماتتىڭ قۇقىعىنا قاتىستى عانا ەمەس، ادام دۇنيەگە كەلگەن ساتتەن ودان اجىراماس قۇقىقتارىنا دا قاتىستى نورمالار ەندى.

قوعامنىڭ وركەندەۋىنە قارقىن قوسىپ، قازاقستان حالقىنىڭ بىرلىگىنە جول باستاعان اتا زاڭدا بەكىتىلگەن رەسپۋبليكامىزدىڭ تۇعىرلى قاعيداتتارى بۇگىندە ءوزىنىڭ ومىرشەڭدىگىن دالەلدەدى. قازاقستان حالىقارالىق قوعامداستىقتا لايىقتى ورىن الىپ، بيىك بەلەسكە كوتەرىلگەنى وسىنىڭ ايعاعى. ءاربىر قازاقستاندىق كەلەشەككە كەرۋەن تارتقان مەملەكەتىمىزدىڭ تۇراقتى دامۋىنىڭ كەپىلى كونستيتۋتسيانىڭ مەملەكەت پەن قوعام ءۇشىن عانا ەمەس، ءوزىنىڭ جەكە باسى مەن وتباسى ءۇشىن دە ماڭىزدىلىعىن تەرەڭ سەزىنەدى.

ەلىمىزدىڭ وركەندى ءارى سەرپىندى دامۋىنا شىمكەنتتىكتەر دە لايىقتى ۇلەس قوسىپ كەلەدى. ءۇشىنشى مەگاپوليس كۇننەن كۇنگە كوركەيە تۇسۋدە. حالىقتىڭ جايلى ءومىر ءسۇرۋى ءۇشىن بارلىق جاعداي جاسالۋدا. بيىل شىمكەنتتىكتەر قالامىزدىڭ تمد ەلدەرىنىڭ مادەني استاناسى اتانعان مەرەيلى مەرەكەسىن كارانتين جاعدايىنا بايلانىستى ونلاين تاماشالادى. مەرەكە قارساڭىندا كوپتەگەن يگى شارالار ءوتتى. مۇنىڭ ءبارى اتا زاڭىمىزدا كورسەتىلگەندەي قوعامنىڭ باستى بايلىعى حالىق ءۇشىن جاسالعان ىزگى جۇمىستار.

 

قىمباتتى شاھار تۇرعىندارى!

اتا زاڭ – مەملەكەتىمىزدىڭ التىن قازىعى، باستى قۇندىلىعى. ونى قاستەرلەۋ ءاربىر ازاماتتىق قاسيەتتى پارىزى. جىلدان جىلعا ءبىزدىڭ باستى قۇندىلىقتارىمىز – تاۋەلسىزدىگىمىز، كەلىسىم مەن بىرلىگىمىز نىعايا بەرسىن. ءار شاڭىراققا قۇت-بەرەكە، ىرىس پەن ىنتىماق تىلەيمىن.

ەل ىرگەسى امان، كەلەشەگىمىز كەمەل بولسىن!

 

مۇرات ايتەنوۆ،

شىمكەنت قالاسىنىڭ اكىمى

سوڭعى جاڭالىقتار

تاريحي فينال

سپورت • كەشە

كەزەكتى بەلەس

پىكىر • كەشە

اسكەري توپوگراف

قوعام • كەشە

كەدەرگى فيلوسوفياسى

رۋحانيات • كەشە

ءبىزدىڭ ليۋي-كو

ونەر • كەشە

رۋح

سپورت • كەشە

تاۋ شاڭعىسىن قالايتىندار كوپ

قىسقى سپورت • كەشە

فينالدا جولى بولمادى

تەننيس • كەشە

ۇقساس جاڭالىقتار