كەشە پرەزيدەنت اكىمشىلىگىندە قاۋىپسىزدىك كەڭەسى حاتشىسىنىڭ ورىنباسارى – قاۋىپسىزدىك كەڭەسى حاتشىلىعىنىڭ مەڭگەرۋشىسى ق.ءجاڭبىرشيننىڭ توراعالىق ەتۋىمەن كەڭەس ءوتتى.
كەشە پرەزيدەنت اكىمشىلىگىندە قاۋىپسىزدىك كەڭەسى حاتشىسىنىڭ ورىنباسارى – قاۋىپسىزدىك كەڭەسى حاتشىلىعىنىڭ مەڭگەرۋشىسى ق.ءجاڭبىرشيننىڭ توراعالىق ەتۋىمەن كەڭەس ءوتتى.
كەڭەسكە ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ, ىشكى ىستەر مينيسترلىگىنىڭ, قارجى مينيسترلىگىنىڭ كەدەندىك باقىلاۋ جانە سالىق كوميتەتتەرىنىڭ باسشىلىعى قاتىستى. كەڭەستە قازاقستان رەسپۋبليكاسىندا كولەڭكەلى ەكونوميكاعا قارسى ءىس-قيمىلدىڭ 2013-2015 جىلدارعا ارنالعان كەشەندى جوسپارىن ورىنداۋ بارىسى قاراستىرىلدى, سونداي-اق اتالعان سالاداعى پروبلەمالىق ماسەلەلەر تالقىلاندى.
مەملەكەت باسشىسى كولەڭكەلى ەكونوميكاعا قارسى تۇرۋدى جانە الكوگولدى ونىمدەردىڭ زاڭسىز اينالىمىنا قارسى كۇرەستى جانداندىرۋ قاجەتتىگىنە اقوردادا ۇستىمىزدەگى جىلعى 11 قازاندا وتكەن ۇكىمەتتىڭ كەڭەيتىلگەن وتىرىسىنا قاتىسۋشىلاردىڭ ايرىقشا نازارىن اۋدارعانى ءمالىم.
كەڭەس بارىسىندا كەشەندى جوسپاردى ىسكە اسىرۋ ءتاسىلدەرىندەگى مەملەكەتتىك ورگانداردىڭ ءىس-قيمىلىندا ءوزارا كەلىسپەۋشىلىكتىڭ بارلىعى اتاپ ءوتىلدى.
وسىعان بايلانىستى, مەملەكەتتىك ورگاندارعا جوسپاردى ساپالى ورىنداۋ بويىنشا تاپسىرمالار بەرىلدى, سونداي-اق ۆەدومستۆوارالىق ۇيلەستىرۋدى كۇشەيتۋگە نازار اۋدارۋ جانە اتقارىلىپ وتىرعان جۇمىستى كەڭىنەن اقپاراتتىق سۇيەمەلدەۋ ۇسىنىلدى.
«ەگەمەن-اقپارات».
