ادامزاتتىڭ وتكەنى مەن كەلەشەگىنە وي جۇگىرتىپ, ودان ءوز حالقىمىزدىڭ ءجۇرىپ وتكەن جولدارىنا جەتەلەيتىن كەزەكتى رۋحاني دۇنيە تالعامپاز وقىرماندارعا جول تارتتى.
الماتىداعى قر ۇلتتىق كىتاپحاناسىنىڭ كورمە زالىندا بەلگىلى ساياساتتانۋشى, پۋبليتسيست, قازاقستان جۋرناليستەر اكادەمياسىنىڭ جانە قازاق پەن-كلۋبىنىڭ مۇشەسى, «مىسل» جۋرنالىنىڭ باس رەداكتورى سەيداحمەت قۇتتىقادامنىڭ «ولجاس كىتاپحاناسى» باسپا ءۇيى جارىققا شىعارعان «داو التايا» كىتابىنىڭ تۇساۋكەسەرى ءوتتى.
ادامزاتتىڭ وتكەنى مەن كەلەشەگىنە وي جۇگىرتىپ, ودان ءوز حالقىمىزدىڭ ءجۇرىپ وتكەن جولدارىنا جەتەلەيتىن كەزەكتى رۋحاني دۇنيە تالعامپاز وقىرماندارعا جول تارتتى.
الماتىداعى قر ۇلتتىق كىتاپحاناسىنىڭ كورمە زالىندا بەلگىلى ساياساتتانۋشى, پۋبليتسيست, قازاقستان جۋرناليستەر اكادەمياسىنىڭ جانە قازاق پەن-كلۋبىنىڭ مۇشەسى, «مىسل» جۋرنالىنىڭ باس رەداكتورى سەيداحمەت قۇتتىقادامنىڭ «ولجاس كىتاپحاناسى» باسپا ءۇيى جارىققا شىعارعان «داو التايا» كىتابىنىڭ تۇساۋكەسەرى ءوتتى.
«داو التايا» – اۆتوردىڭ ءۇشىنشى كىتابى. بۇعان دەيىن جارىق كورگەن «سلۋجەنيە ناتسي» جانە «كازاحسكايا دراما» كىتاپتارى دا وقىرمان قاۋىمعا جاقسى تانىس. «داو التايا» تاقىرىپتىق جاعىنان الدىڭعى ەكى كىتابىنان وزگەشە. «سلۋجەني ناتسي», «كازاحسكايا دراما» كىتاپتارى تاقىرىبى جاعىنان ساياسي سيپاتتا بولسا, «داو التايا» – اۆتوردىڭ ەجەلگى تاريحقا ساياحاتى. سەيداحمەت قۇتتىقادام بۇل ەڭبەگىندە زەرتتەۋشىلىك جانردى, ياعني باستاپقى ءبىلىمنىڭ جانە قازىرگى وركەنيەتكە ءتونىپ تۇرعان قاۋىپتىڭ سەبەپ-سالدارىن اشىپ كورسەتكەن.
بۇل ورايدا اۆتور الەمدىك جانە وتاندىق تاريح تۋرالى ءوزىنىڭ ەرەكشە بولجامىن جاسايدى. قازىرگى تاڭدا الەمدە كوپتەگەن ەجەلگى ارحەولوگيالىق ارتەفاكتىلەر جيناقتالىپ قالدى, ولارعا ءالى كۇنگە دەيىن قازىرگى زاماننىڭ تاريح عىلىمى تۇرعىسىنان تۇسىنىكتەمە بەرىلگەن جوق. سوندىقتان اينالامىزدا نلو جانە بەيالەمدىك سانا كورىنىس تابۋدا. اتالعان ماسەلەلەر جاڭا كوزقاراستى جانە ولاردى تاريحي پاراديگما شەڭبەرىندە, لوگيكالىق, جۇيەلى تۇرعىدان قاراستىرۋدى قاجەت ەتەدى. سەيداحمەت قۇتتىقادام بۇل كۇردەلى ساۋالدارعا ءوزىنىڭ جاۋابىن ۇسىنادى.
شارا بارىسىندا سەيداحمەت قۇتتىقادامنىڭ ءومىرى مەن شىعارماشىلىعىنان سىر شەرتەتىن كورمە ۇيىمداستىرىلدى.
تۇساۋكەسەر راسىمىنە قوعام قايراتكەرلەرى, تانىمال جازۋشىلار, جوعارى وقۋ ورىندارىنىڭ ستۋدەنتتەرى, سونداي-اق, الماتى قالاسىنىڭ كىتاپحاناشىلارى قاتىسىپ, جاڭا كىتاپ توڭىرەگىندە وي-پىكىرلەرىن ورتاعا سالدى.
ايناش ەسالي,
«ەگەمەن قازاقستان».
الماتى.
