ءتۋرنيردىڭ جارتىلاي فينالىندا «ينتەر» ۋكراينانىڭ «شاحتەر» كلۋبىمەن كەزدەسىپ, 5:0 ەسەبىمەن تاس-تالقانىن شىعاردى. ميلان كومانداسىنان مارتينەس پەن لۋكاكۋ دۋبل اۆتورى اتانسا, د’امبروزيو ءبىر گولمەن ءوز ەسىمىن تابلوعا جازىپ قويدى. بۇگىنگە دەيىن يتاليا كلۋبى ەۋروپا ليگاسىنىڭ فينالىنا ءتورت مارتە شىعىپ, ۇشەۋىندە كۋبوكتى باسىنان اسىرا كوتەرگەن. ءبىر مارتە جەڭىلىس تاپسا, تۋرنيردە ەڭ كەيىنگى رەت 1998 جىلى چەمپيون اتانعان.
ال «سەۆيليا» كلۋبى ەۋروپا ليگاسىندا ەڭ كوپ جەڭىمپاز اتانعان جانە ەڭ كوپ فينالعا شىققان الەمدەگى جالعىز كوماندا. يسپانيالىقتار ءتۋرنيردىڭ فينالىنا بەس رەت شىعىپ, بەسەۋىندە دە كۋبوكتى يەلەنگەن. ءتىپتى 2014, 2015, 2016 جىلدارى قاتارىنان ءۇش مارتە چەمپيون بولعانىن جانكۇيەرلەر جاقسى بىلەدى. مىنە, بيىل التىنشى مارتە كۋبوكتى يەلەنۋگە جاقىن تۇر. «سەۆيليا» جارتىلاي فينالدا انگليانىڭ «مانچەستەر يۋنايتەد» كلۋبىن 2:1 ەسەبىمەن جەڭىپ, فينالعا جولداما العان بولاتىن.
«سەۆيليا» جانە «ينتەر» اراسىنداعى ەۋروپا ليگاسىنىڭ فينالدىق ماتچى 22 تامىزدا نۇر-سۇلتان ۋاقىتىمەن 01:00-دە باستالادى.
