كونكۋرستى ۇيىمداستىرۋشىلاردىڭ ماقساتى – ادامزاتتىڭ ساناسىنا وي سالىپ, جانۋارلارعا دەگەن قاتىگەزدىك پەن قورشاعان ورتاعا نەمقۇرايلى قاراماۋدى بالا كەزدەن بويعا ءسىڭىرۋ. بايقاۋ دىتتەگەن ماقساتىنا جەتتى دەسە بولادى. تۋىندىمەن بىرگە ەسسە جازىپ جىبەرگەن جاس سۋرەتشىلەر, ۇلكەندەردى اڭ اۋلاۋدى دوعارىپ, تابيعاتتى ايالاۋعا شاقىردى.
– بۇل كوز – حالىق كوزى. تابيعاتتىڭ لاستانىپ بارا جاتقانىن كورىپ تۇرعان ەلدىڭ كوز جاسى. ءار ادام ءوز ەلىنىڭ كوركەيۋىنە ۇلەس قوسۋى قاجەت. تابيعاتتى قورعاۋ – پارىز. كەي ادامدار ونى تۇسىنبەيدى, تۇسىنگىسى دە كەلمەيدى. اينالانى لاستاپ, دەنساۋلىققا زيان اكەلۋدە. بۇكىل حالىق بولىپ ەكولوگيانى, قورشاعان ورتانى تازارتۋعا تىرىسساق, اۋا تازا بولار ەدى. ءار سەنبى سايىن سەنبىلىككە شىقساق, كوكتەم مەزگىلىندە بۇتاق وتىرعىزساق, ءوز قوقىسىمىزدى ءار جەرگە ەمەس, قوقىس جاشىگىنە لاقتىرساق جەرىمىز دە قالدىققا تولماس ەدى. سول سەبەپتى تابيعاتتى قورعاۋعا شاقىرامىن, – دەيدى 11 جاسار اتىراۋلىق رۋسلان دجابباروۆ.
1 ساۋىردە باستاۋ العان بايقاۋعا قازاقستاننىڭ تۇكپىر-تۇكپىرىنەن 4 مىڭنان استام بالا قاتىستى. جەڭىمپازدار ءتورت جاس توبى بويىنشا ماراپاتتالادى. ۇيىمداستىرۋشىلار ونلاين ماراپاتتىڭ ەرەكشە بولاتىنىن العا تارتادى. باس جۇلدەمەن قاتار, بارلىق قاتىسۋشىعا ارنالعان سىيلىق بار.
– جانۋارلاردى قورعاۋ تاقىرىبى قازىر وتە وزەكتى. وسىنشا بالا اتسالىسىپ, تاقىرىپتى اشا بىلگەنى قۋانتادى. كەيبىر تۋىندىلار قاتتى تاڭعالدىردى, ءتىپتى ونى بالا سالدى دەگەنگە سەنبەيسىڭ. نەگە دەسەڭىز, سۋرەتتەر ساپالى جانە وندا تەرەڭ وي جاتىر, – دەيدى قازىلار القاسىنىڭ مۇشەسى, بۇۇ قورشاعان ورتانى قورعاۋ باعدارلاماسىنىڭ قىزمەتكەرى ولجاس اتىمتاەۆ.
قازىلار مۇشەسىنىڭ قۇرامىندا قازاقستاننىڭ كوركەمونەر اكادەمياسىنىڭ اكادەميگى, گرافيك, يلليۋستراتسيالاۋشى بۋبە نەللي, ت.جۇرگەنوۆ اتىنداعى قازاق ۇلتتىق ونەر اكادەمياسى بەينەلەۋ ونەرىنىڭ تاريحى مەن تەورياسى كافەدراسىنىڭ پروفەسسورى ولگا باتۋرينا, قازاقستان رەسپۋبليكاسىنداعى بۇۇ عالامدىق كوممۋنيكاتسيا دەپارتامەنتىنىڭ جەتەكشىسى ۆلاستيميل سامەك, ەكو-بەلسەندى, بالالار مەن جاسوسپىرىمدەر فەستيۆالىنىڭ كۋراتورى, «بالالار الەمدى بەينەلەيدى» قوعامدىق قورىنىڭ ديرەكتورى ءمولدىر بەكجان بار.
كونكۋرس قازاقستان پرەزيدەنتىنىڭ قامقورلىعىمەن بۇۇ قورشاعان ورتانى قورعاۋ باعدارلاماسىنىڭ دۇنيەجۇزىلىك قورشاعان ورتانى قورعاۋ كۇنى اياسىندا ءبىلىم جانە عىلىم مينيسترلىگى, مادەنيەت جانە سپورت مينيسترلىگىنىڭ قولداۋىمەن, «بالالار الەمدى بەينەلەيدى» قوعامدىق قورى, باس سەرىكتەس «Edu Stream» كومپانياسىنىڭ جانە «تەحنودوم» مەن «ناستوياششي بۋراتينو» سەرىكتەستەرىنىڭ قاتىسۋىمەن وتەدى.
جاس سۋرەتشىلەردىڭ تۋىندىلارىمەن www.alembala.kz جانە www.drmfund.com سىلتەمەدەن تانىسا الاسىزدار.
