23 قازان، 2013

اقش قازاقستانعا 45 ملرد. دوللار قارىز

259 رەت كورسەتىلدى

23 10-AKW karizاقش قازاقستانعا 40-45 ملرد. دوللار قارىز. بۇل تۋرالى Tengrinews.kz حابارلادى.

ينۆەستيتسيا تيىمدىلىگىن زەرتتەۋ اگەنتتىگىنىڭ اعا اناليتيگى ارتەم ۋستيمەنكونىڭ مالىمەتىنە قاراعاندا، اقش-تىڭ وزگە مەملەكەتتەر مەن تاۋەلسىز قورلاردىڭ الدىنداعى سىرتقى تازا قارىزى 5،59 ترلن. دوللاردى قۇرايدى. ول قارىزدىڭ ۇلكەن بولىگى قىتاي مەن جاپونياعا تيەسىلى. اقش-تىڭ قىتاي مەملەكەتىنىڭ الدىنداعى قارىزى 1،28 ترلن. دوللاردى قۇراسا، جاپونياعا ول 1،14 ترلن. دوللار قارىز ەكەن.

ۋستيمەنكونىڭ ايتۋى بويىنشا، اقش مەملەكەتتىك قارىزىنىڭ اۋقىمدىلىعىنا قاراماستان، قارىزدىڭ كولەمىن ۇلعايتۋعا مۇددەلى. سەبەبى، ازىرگە ونىڭ فەدەرالدى قاراجاتىنىڭ تاپشىلىعىن تۇزەيتىن مەحانيزم قۇرىلماي تۇر.

بۇدان بۇرىن اقش مەملەكەتتىك قارىز شەكتەۋىن كوتەرىپ، ىمىرالى قارجى جوباسىن قابىلداعان بولاتىن. بۇل ارقىلى شتاتتاردىڭ تەحنيكالىق دەفولتقا ءتۇسۋ قاۋپىنىڭ بەتى قايتارىلدى. قابىلدانعان جوبادا مەملەكەتتىك مەكەمەلەردىڭ 2014 جىلعى 15 قاڭتارعا دەيىنگى قىزمەتىنە كەپىلدىك جاسالعان. سونداي-اق قۇجاتتا اقش مەملەكەتتىك قارىزىنىڭ كولەمى 328 ملرد. دوللارعا وسكەنى كورسەتىلگەن.

ايدار ورىسباەۆ.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار