23 قازان، 2013

ىقپالداستىق – ەلدەردى ەركىن دامىتۋ كىلتى

128 رەت كورسەتىلدى

كەشە استانادا قازاقستان پارلامەنتىنىڭ ءماجىلىسى مەن ەۋرازەق پارلامەنتارالىق اسسامبلەياسىنىڭ ۇيىمداستىرۋىمەن «ايماقتىق ينتەگراتسيانىڭ ەۋرازەق ەلدەرىنىڭ باسەكەلەستىككە قابىلەتتىلىگىن ارتتىرۋداعى ءرولى جانە ونى قۇقىقتىق قامتاماسىز ەتۋ» اتتى تاقىرىپتا دوڭگەلەك ۇستەل بولىپ ءوتتى.

 

كەشە استانادا قازاقستان پارلامەنتىنىڭ ءماجىلىسى مەن ەۋرازەق پارلامەنتارالىق اسسامبلەياسىنىڭ ۇيىمداستىرۋىمەن «ايماقتىق ينتەگراتسيانىڭ ەۋرازەق ەلدەرىنىڭ باسەكەلەستىككە قابىلەتتىلىگىن ارتتىرۋداعى ءرولى جانە ونى قۇقىقتىق قامتاماسىز ەتۋ» اتتى تاقىرىپتا دوڭگەلەك ۇستەل بولىپ ءوتتى.

ەۋرازەق-تىڭ پارلامەنت­ارا­لىق اسسامبلەياسى ۇلتتىق زاڭ­­نامالاردى ينتەگراتسيالىق قۇ­­رىلىمداعى ەكونوميكالىق ىن­­تىماقتاستىقتى دامىتۋ ءۇشىن ءساي­كەس­تەندىرۋدى كوزدەپ قۇرىلعان ورگان ەكەنى بەلگىلى. قازىر ول بۇل ىستە ءبىرشاما تابىستارعا جەتىپ وتىر.

دوڭگەلەك ۇستەل جۇمىسىن ءما­جىلىستىڭ حالىقارالىق ىستەر، قورعانىس جانە قاۋىپسىزدىك كومي­تەتىنىڭ توراعاسى ماۋلەن ءاشىم­باەۆ اشىپ، جۇرگىزىپ وتىر­دى. ول بۇل شارانىڭ ەۋرازەق پارلامەنتارالىق اسسام­بلەيا­سى­نىڭ سوڭعى ەكى جىلداعى توراعاسى بولىپ پارلامەنت ءماجىلىسىنىڭ توراعاسى نۇرلان نىعماتۋلين سايلانعاننان بەرى وتكىزىلىپ وتىرعان ۇلكەن شارا ەكەنىن اتاپ كورسەتتى. بۇگىنگى كەزدەسۋدىڭ ماقساتى – ەۋرازيا ينتەگراتسياسىنىڭ دامۋى مەن ينتەگراتسيالىق قۇرىلىمداردىڭ الەمدىك ماڭىزى تۋرالى ساراپشىلىق دەڭگەيدە پىكىر الماسۋ. شارانىڭ استانادا جانە تاپ قازان ايىندا وتكىزىلىپ وتىرعانىنىڭ دا ءبىر ەلەۋلى سيپاتى بار. ويتكەنى، وسىدان ءدال 13 جىل بۇرىن استانادا ەۋرازيالىق ەكونوميكالىق قوعامداستىق قۇرۋ تۋرالى بەلارۋس، قازاقستان، قىرعىزستان، رەسەي جانە تاجىكستان پرەزيدەنتتەرى كەلىسىمگە قول قويعان ەدى، دەي كەلىپ، ودان ءارى كوميتەت توراعاسى ەۋرازەق-تىڭ ينتەگراتسيالىق شارالاردى جۇرگىزۋدەگى ماڭىزى مەن ەكونوميكالىق دامۋ ۇدەرىستەرىنە تيگىزگەن وڭ ىقپالى تۋرالى اڭگىمەلەدى. ونىڭ اياسىندا كەدەن وداعى، ودان ەۋرازيالىق ەكونوميكالىق كەڭىستىك سياقتى قۇرىلىمداردىڭ پايدا بولىپ، دامىپ وتىرعانى، ال 2015 جىلدان ونىڭ ەكونوميكالىق وداققا اينالاتىنى اتاپ كورسەتىلدى.

ولاردىڭ ءىس-ارەكەتتەرى ءبىزدىڭ حالىقتارىمىزدىڭ مۇددەلەرىنە ساي بولىپ، ۇلتتىق ەكونوميكانىڭ، حالىقتىڭ ءال-قۋاتىنىڭ دامۋىنا وڭ ىقپالىن تيگىزىپ وتىر، دەدى شەشەن.

وسىدان كەيىن پارلامەنت ءماجىلىسىنىڭ توراعاسى، ەۋرازەق پارلامەنتارالىق اسسامبلەياسىنىڭ قازىرگى توراعاسى نۇرلان نىعماتۋليننىڭ دوڭگەلەك ۇستەلگە قاتىسۋشىلارعا ارناعان قۇتتىقتاۋ ءسوزىن ءماجىلىس توراعاسىنىڭ ورىنباسارى سەرگەي دياچەنكو وقىپ بەردى. ال ەۋرازەق اتىنان قۇتتىقتاۋ ءسوزدى پارلامەنتارالىق اسسامبلەيانىڭ جاۋاپتى حاتشىسى پەتر زۆەرەۆ ايتتى. وسىدان كەيىن دوڭگەلەك ۇستەلگە قاتىسۋشىلار ايتىلعان تاقىرىپقا بايلانىستى وزدەرىنىڭ پىكىرلەرىن ورتاعا سالدى.

العاشقى ءسوزدى رەسەي فەدەراتسياسى فەدەرالدى جينالىسى مەملەكەتتىك دۋماسىنىڭ تمد ىستەرى، ەۋرازيالىق ينتەگراتسيا جانە وتانداستارمەن بايلانىس كوميتەتى توراعاسىنىڭ ورىنباسارى تاتيانا موسكالكوۆا الدى. ول ءوزىنىڭ ءسوزىن مەملەكەتتىك دۋمانىڭ توراعاسى سەرگەي نارىشكيننىڭ دوڭگەلەك ۇستەلگە قاتىسۋشىلارعا جولداعان سالەمىن ايتۋدان باستادى. ودان ءارى شەشەن ەۋرازەق-تىڭ 2015 جىلى قۇرىلاتىن ەۋرازيالىق ەكونوميكالىق وداققا باستاۋ جولىنداعى ءرولىنىڭ زور ەكەنىن، اتقارعان ىستەرىنىڭ مول ەكەندىگىن اتاپ ءوتتى. كەيىن جۋرناليستەرگە بەرگەن شاعىن سۇحباتىندا دا ول وسى پىكىردى قۋاتتاپ، اتالعان ينتەگراتسيالىق قۇرىلىمنىڭ قازاقستاننىڭ باسىم ماقساتى بولعانىن ايتتى. ەندى ەۋرازيالىق وداق قۇرۋ رەسەي مەن بەلارۋس ەلدەرىنىڭ دە باسىم مىندەتتەرىنە اينالىپ وتىر. سونىمەن بىرگە، ول قىرعىزستاننىڭ دا وسى ينتەگراتسيالىق قۇرىلىمعا ەنۋ تۋرالى ءوتىنىش بىلدىرگەنىن ايتا كەلىپ، ينتەگراتسيالىق قۇرىلىمنىڭ ومىرشەڭدىگىن ءومىردىڭ ءوزى كورسەتىپ بەرگەنىنە نازار اۋداردى. مەنىڭشە، تاجىكستاننىڭ دا بۇل قۇرىلىمعا تۇسەتىن كۇنى الىس ەمەس. ءسويتىپ، ءبىز تاۋار، قىزمەت كورسەتۋ، جۇمىس كۇشى جانە كاپيتال سياقتى ادامعا اسا قاجەتتى دۇنيەلەردىڭ ەركىن اينالۋىنا جول اشتىق، دەدى ول. ال بۇگىنگى جيىندا بىزدەر ىستەلگەن جۇمىستارعا مونيتورينگ جاساۋمەن قاتار، الداعى ۋاقىتتا ىستەلەتىن ارەكەتتەر جانە ولارعا كەدەرگى تۋدىرۋى مۇمكىن جايتتاردى تالقىلادىق. سونداي-اق، جيىندا تاجىكستان پارلامەنتىنىڭ دەپۋتاتى س.اميرشوەۆا، ءماجىلىس دەپۋتاتى م.تىنىكەەۆ جانە ت.ب. سويلەدى.

جاقسىباي سامرات،

«ەگەمەن قازاقستان».

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار