قوعام • 22 قازان, 2013

اقپاراتتار اعىنى

180 رەت

كورسەتىلدى

2 مين

وقۋ ءۇشىن

Egemen Qazaqstan

ۇستىمىزدەگى جىلى قازاقستاندا 20 ملن. توننا استىق جينالدى. ازىق-ت ۇلىك كورپوراتسياسىنىڭ باسقارما توراعاسى نۇرلان وسپانوۆتىڭ ايتۋىنشا, ونىڭ 76,5 پايىزى بيداي, ال قالعانى ارپا جانە باسقا ءداندى داقىلدار بولىپ تابىلادى.

2014 جىلى «استانا-ششۋچە» اۆتوبانىنان 1 ملرد. تەڭگەنىڭ كىرىسى تۇسەدى. كەشە مۇنى كولىك جانە كوممۋنيكاتسيا ءمينيسترى اسقار جۇماعاليەۆ مالىمدەدى. ء«بىز قازىرگە دەيىن بۇل تراسسادان 350 ملن. تەڭگەگە جۋىق اقشا الدىق. كەلەسى جىلى بۇل بىرنەشە ەسەلەپ ارتادى», – دەدى ول.

ەلىمىزدە سپورت سەكتسيالارىنا تارتىلعان وقۋشىلار سانى 27 پايىزدان اسپايدى. سپورت جانە دەنەشىنىقتىرۋ ىستەرى اگەنتتىگىنىڭ توراعاسى ەرلان قوجاعاپانوۆ مەكتەپتە دەنەشىنىقتىرۋ ءپانى ساباعى ساعاتىنىڭ قىسقارۋى دا بالالار دەنساۋلىعىنا اسەر ەتەتىنىن اتاپ ءوتتى.

«استانا-اتىراۋ» جۇردەك پويىزى 24 قازاننان باستاپ كۇنارا جۇرەتىن بولادى. پويىزدىڭ جاڭا قۇرامى 27 ۆاگوننان تۇرادى, ونىڭ 22-ءسى جولاۋشىلار تاسىمالداۋعا بەيىمدەلگەن. اتاپ وتەرلىگى, بۇل جۇردەك پويىز جولداعى ۋاقىتتى 1,5 ەسەگە قىسقارتادى. اتاپ ايتقاندا, سوڭعى نۇكتەگە 33 ساعات ورنىنا 22 ساعاتتا جەتەدى.

وڭتۇستىك قازاقستاندا ماقتا وڭدەيتىن زاۋىت ىسكە قوسىلدى. ول شاردارا اۋدانىنىڭ ۇزىناتا ەلدى مەكەنىندە 2012 جىلى باستالعان.

قىزىلوردا وبلىستىق پروكۋراتۋراسى جەمقورلىققا قاتىستى 13 ملن. تەڭگەنى مەملەكەتكە قايتاردى. بۇل تۋرالى حابارلاعان وبلىستىق پروكۋراتۋرانىڭ باسقارما اعا پروكۋرورى نۇربولات دۇيسەنباەۆ وسىعان وراي مەملەكەتتىك قىزمەتكەرلەر ۇستىنەن5 قىلمىستىق ءىس قوزعالعانىن ايتتى.

پاۆلودار جاستارى شاباقتاردى قۇتقارۋ ىسىنە ۇيىتقى بولدى. ولار ءبىر كۇننىڭ ىشىندە كولشىكتەردەن 100 مىڭداي ۇساق بالىقتى اۋلاپ, ءىرى سۋ قويمالارىنا جىبەردى.

تۋلا دارىگەرلەرى اتىراۋدا بالالارعا وتا جاساۋدا. كەشە باستالعان بۇل قايىرىمدىلىق شاراسى بەس كۇنگە سوزىلادى. وسىمەن رەسەي ماماندارى جايىق جاعالاۋىنداعى قالاعا قاتارىنان جەتىنشى جىل كەلىپ وتىر.

«قازاقپارات», «قازاقستان جاڭالىقتارى», Bnews.kz, TengriNews,

EgemenNews حابارلارى بويىنشا دايىندالدى.