ەلىمىزدىڭ جوعارعى سوت توراعاسى بولىپ قايتا تاعايىندالعان قايرات ءمامي جوعارى سوت ورگانىنىڭ القا توراعالارىمەن, سۋديالارىمەن جانە اپپارات باسشىلىعىمەن العاشقى جۇمىس كەڭەسىن وتكىزدى.
ەلىمىزدىڭ جوعارعى سوت توراعاسى بولىپ قايتا تاعايىندالعان قايرات ءمامي جوعارى سوت ورگانىنىڭ القا توراعالارىمەن, سۋديالارىمەن جانە اپپارات باسشىلىعىمەن العاشقى جۇمىس كەڭەسىن وتكىزدى.
وسىعان وراي كۇن تارتىبىندە بىرنەشە ماڭىزدى ماسەلە بەلگىلەندى, دەپ بىزگە حابارلاعان جوعارعى سوتتىڭ ءباسپاسوز قىزمەتى, ءبىرىنشى كەزەكتە جوعارعى سوتتىڭ توراعاسى سوت جۇيەسىنىڭ قازىرگى جاي-كۇيىنە جانە مەملەكەت باسشىسى بىرنەشە رەت ايتقان, كەزەك كۇتتىرمەي شەشىمىن تالاپ ەتەتىن پروبلەمالارعا نازار اۋدارعان.
ماسەلەن, ۇيىمداستىرۋشىلىق جانە فۋنكتسيونالدى شارالاردىڭ تۇتاس كەشەنىن شۇعىل ازىرلەپ, جۇزەگە اسىرۋ قاجەت, ولاردىڭ باستى ماقساتى – سوت جۇيەسىنىڭ ءيميدجىن كوتەرۋ, ازاماتتاردىڭ سوتتارعا دەگەن جوعالعان سەنىمىن قايتارۋ, قوعامنىڭ ۇمىتىنە سايكەس سوت تورەلىگىنىڭ تيىمدىلىگىن تۇبەگەيلى كوتەرۋ, – دەپ اتاپ وتكەن ق.ءمامي. كونستيتۋتسيالىق نورمالارعا سايكەس سۋديانىڭ مارتەبەسىن تۇبەگەيلى نىعايتۋ, ارتىق اكىمشىلەندىرۋدەن باس تارتۋ جانە سوت تورەلىگىن جۇزەگە اسىرۋ پروتسەسىنە قانداي دا ءبىر بولسىن قولسۇعۋشىلىقتى بولدىرماۋ كەرەكتىگىن العا تارتتى. وسىعان وراي جوعارعى سوتتىڭ قاداعالاۋشى القالارىنىڭ توراعالارىنا الدارىنا قويىلعان مىندەتتەردى ىسكە اسىرۋعا باعىتتالعان باعدارلامالىق ۇسىنىستاردى دايىنداۋ بويىنشا ناقتى نۇسقاۋلار بەرىلدى.
كەڭەستە قارالعان باسقا دا ماڭىزدى ماسەلە قازاقستان سۋديالارىنىڭ VI سەزىنە دايىندىق بارىسى بولدى. ق.ءمامي بۇل باعىتتاعى جۇمىستى جانداندىرۋدى تاپسىردى: شۇعىل ارنايى كوميسسيانى قۇرۋ, الداعى فورۋمنىڭ تۇجىرىمداماسىن انىقتاۋ, سەزدە تالقىلاۋعا جاتاتىن باستى باعىتتاردىڭ شەڭبەرىن ناقتىلاۋ جانە الداعى ناقتى مىندەتتەردى بەلگىلەۋ.
كادر ساياساتى تۋرالى ايتا كەلە, جوعارعى سوتتىڭ توراعاسى ءتۇرلى ورىن اۋىستىرۋلار مەن قايتا تاعايىنداۋلار تۋرالى اڭگىمەلەردى بىردەن جوققا شىعاردى. ق.ءمامي اپپاراتتىڭ بارلىق قىزمەتكەرلەرى فۋنكتسيونالدىق مىندەتتەرىنە سايكەس ءوز لاۋازىمدارىندا قالدىرىلاتىندىعىنا سەندىردى. ۇيىمداستىرۋ-شتات قۇرىلىمىن ودان ءارى جەتىلدىرۋگە قاتىستى بۇل پروتسەسس, جوعارعى سوت توراعاسىنىڭ ايتۋىنشا, قاجەتتىلىكتىڭ تۋىنداۋىنا بايلانىستى جۇزەگە اسىرىلاتىن بولادى.
الەكساندر تاسبولاتوۆ,
«ەگەمەن قازاقستان».
