پارلامەنت سەناتىنىڭ حالىقارالىق قاتىناستار, قورعانىس جانە قاۋىپسىزدىك كوميتەتى ماڭعىستاۋ وبلىسىندا كوشپەلى وتىرىس وتكىزدى. اقتاۋ قالاسىنداعى اسكەري-تەڭىز بازاسىنىڭ جاۋىنگەرلىك باسقارۋ ورتالىعىندا وتكەن وتىرىستى سەناتتىڭ حالىقارالىق قاتىناستار, قورعانىس جانە قاۋىپسىزدىك كوميتەتىنىڭ توراعاسى يكرام ادىربەكوۆ اشىپ, دەپۋتاتتار ساپارىنىڭ ماقساتىمەن تانىستىردى, دەپ حابارلادى وسى پالاتانىڭ ءباسپاسوز قىزمەتى.
پارلامەنت سەناتىنىڭ حالىقارالىق قاتىناستار, قورعانىس جانە قاۋىپسىزدىك كوميتەتى ماڭعىستاۋ وبلىسىندا كوشپەلى وتىرىس وتكىزدى. اقتاۋ قالاسىنداعى اسكەري-تەڭىز بازاسىنىڭ جاۋىنگەرلىك باسقارۋ ورتالىعىندا وتكەن وتىرىستى سەناتتىڭ حالىقارالىق قاتىناستار, قورعانىس جانە قاۋىپسىزدىك كوميتەتىنىڭ توراعاسى يكرام ادىربەكوۆ اشىپ, دەپۋتاتتار ساپارىنىڭ ماقساتىمەن تانىستىردى, دەپ حابارلادى وسى پالاتانىڭ ءباسپاسوز قىزمەتى.
پارلامەنتتە قابىلدانعان زاڭدار مەملەكەت باسشىسى ن.نازارباەۆتىڭ «قازاقستان-2050» ستراتەگياسىنان باستاۋ الاتىنىن اتاپ وتكەن ي.ادىربەكوۆ ساپاردىڭ سەناتتىڭ 2013 جىلعا ارنالعان نەگىزگى ءىس-شارالار جوسپارىنا ءسايكەس ءوتىپ وتىرعانىن جەتكىزدى.
«بۇگىنگى تاڭدا ەلباسىمىزدىڭ باستاماسىمەن ەلىمىزدە جۇرگىزىلىپ جاتقان قازاقستاندىق قامتۋدى دامىتۋداعى يندۋستريالىق-يننوۆاتسيالىق ساياسات اياسىندا قارۋلى كۇشتەردى, شەكارا قىزمەتىن, باسقا دا كۇشتىك قۇرىلىمداردى وتاندىق تاۋارلارمەن قامتاماسىز ەتۋ ماسەلەسى قارقىندى تۇردە قولعا الىنۋدا. پارلامەنت قابىرعاسىندا ەلىمىزدىڭ قاۋىپسىزدىگىن نىعايتۋعا, قورعانىس الەۋەتىن ارتتىرۋعا, اسكەري قىزمەتشىلەردىڭ الەۋمەتتىك جاعدايىن جاقسارتۋعا باعىتتالعان: «قازاقستان رەسپۋبليكاسىنىڭ ۇلتتىق قاۋىپسىزدىگى تۋرالى», «سىرتقى بارلاۋ تۋرالى», «اسكەري قىزمەت جانە اسكەري قىزمەتشىلەردىڭ مارتەبەسى تۋرالى», «ارناۋلى مەملەكەتتىك ورگاندار تۋرالى», «قازاقستان رەسپۋبليكاسىنىڭ مەملەكەتتىك شەكاراسى تۋرالى» جانە «مەملەكەتتىك قورعانىستىق تاپسىرىس تۋرالى» بىرقاتار زاڭدار قابىلداندى. وسى باسقوسۋىمىزدىڭ باستى ماقساتى – سول زاڭداردىڭ جاي-كۇيىمەن, ورىندالۋ بارىسىمەن تانىسۋ», دەپ اتاپ ءوتتى كوميتەت توراعاسى.
وتىرىستا ەلىمىزدىڭ قورعانىس جانە شەكارا قىزمەتى قۇرىلىمدارىندا قازاقستان زاڭدارىن ىسكە اسىرۋ جانە قورعانىس سالاسىنداعى مەملەكەتتىك تاپسىرىستاردىڭ ورىندالۋ بارىسى جان-جاقتى سارالاندى. ءسوز العان سەنات دەپۋتاتى مۇحتار التىنباەۆ ەلىمىزدىڭ باتىس ولكەسىندە قورعانىس سالاسىنىڭ تاپسىرىستارىن ورىنداپ وتىرعان ءبىرقاتار ءوندىرىس وشاقتارى بار ەكەنىن ايتا كەلىپ, ونداعى شەشىمىن تاپپاعان ماسەلەلەردى قاراستىرۋعا توقتالدى. سەناتور ءوندىرىس ورىندارىنا زاڭنامالىق تۇرعىدا قانداي كومەكتى قاجەتسىنەتىنى, كەلەشەكتە قانداي باعىت-باعدار ۇستانۋ كەرەكتىگى تولعاندىراتىنىن اتاپ ءوتتى.
«زاڭداردىڭ قالاي جۇزەگە اسىپ جاتقانى, زاڭ باپتارىن ىسكە اسىرۋعا كەدەرگىلەر, باسقا دا كۇردەلى ماسەلەلەر بويىنشا وزدەرىڭىزبەن بىرگە وي ءبولىسىپ, پىكىر الماسۋدى ماقسات ەتىپ وتىرمىز», دەدى م.التىنباەۆ.
كوشپەلى وتىرىستا ەلىمىزدىڭ قارۋلى كۇشتەرى اسكەري-تەڭىز بازاسىنىڭ كومانديرى س.بەكجانوۆ, «قازاقستان ينجينيرينگ» ۇلتتىق كومپانياسىنىڭ ۆيتسە-پرەزيدەنتى ق.تىلەۋبالدين, ورالداعى «زەنيت» زاۋىتىنىڭ باس ديرەكتورى ۆ.ۆاليەۆ, «يندرو» قازاقستان ينجينيرينگ» جشس-ءنىڭ باس ديرەكتورى F.تولقىمباەۆ, «گيدروقۇرال» اكتسيونەرلىك قوعامىنىڭ باس ديرەكتورى ا.گنيلومەدوۆ ءسوز سويلەپ, ءوز پىكىرلەرىن ورتاعا سالدى.
وتىرىس سوڭىندا ءسوز العان كوميتەت توراعاسى ي.ادىربەكوۆ باسقوسۋدا ايتىلعان ۇسىنىستار مەن پىكىرلەر جوعارعى پالاتادا زاڭ جوبالارىن جەتىلدىرۋ جانە زاڭ شىعارۋ جۇمىستارىنىڭ بارىسىندا ەسكەرىلەتىنىن اتاپ ءوتتى.
