ينۆەستيتسيالىق داۋلاردى رەتتەۋ جونىندەگى حالىقارالىق ورتالىقتىڭ (يدرحو) تورەلىك تريبۋنالى «KT Asia Investment Group B.V.» (KT Asia) كومپانياسىنىڭ تالاپ-ارىزى بويىنشا قازاقستاننىڭ پايداسىنا شەشىم شىعاردى. بۇل تۋرالى دەپ حابارلايدى قازاقستان جاڭالىقتارى ەلدىڭ ادىلەت مينيسترلىگىنىڭ ءباسپاسوز قىزمەتىنە سىلتەمە جاساپ.
ينۆەستيتسيالىق داۋلاردى رەتتەۋ جونىندەگى حالىقارالىق ورتالىقتىڭ (يدرحو) تورەلىك تريبۋنالى «KT Asia Investment Group B.V.» (KT Asia) كومپانياسىنىڭ تالاپ-ارىزى بويىنشا قازاقستاننىڭ پايداسىنا شەشىم شىعاردى. بۇل تۋرالى دەپ حابارلايدى قازاقستان جاڭالىقتارى ەلدىڭ ادىلەت مينيسترلىگىنىڭ ءباسپاسوز قىزمەتىنە سىلتەمە جاساپ.
«KT Asia» كومپانياسى نيدەرلاندتا تىركەلگەن جانە مۇحتار ءابىلازوۆتىڭ ءفورمالدى تۇردە ارەكەت ەتەتىن جانە ناقتى كوممەرتسيالىق قىزمەتتى جۇزەگە اسىرمايتىن فيرماسى بولىپ تابىلادى. تالاپكەر رەسپۋبليكانىڭ وعان ءفورمالدى تيەسىلى بتا بانك اق-تا مينوريتارلى اكتسيالار پاكەتىن ىقتيمال ۇلت مەنشىگىنە العانىن مالىمدەدى.
«تالاپتاردىڭ سوماسى 1,5 ملرد. اقش دوللارى شاماسىندا بولدى. وسى تورەلىك تالقىلاۋ 2009 جىلى يدرحو كونۆەنتسياسى جانە قازاقستان رەسپۋبليكاسى مەن نيدەرلاند كورولدىگى اراسىنداعى ينۆەستيتسيالاردى كوتەرمەلەۋ جانە ءوزارا قورعاۋ تۋرالى كەلىسىمنىڭ شارتتارى نەگىزىندە باستالدى. قازاقستانعا قارسى تورەلىك تالقىلاۋ تولىعىمەن مۇحتار ابىلازوۆپەن قارجىلاندىرىلدى. قىزمەتىنىڭ ۋاقىتى ىشىندە «KT Asia» كومپانياسى بتا بانكىنىڭ اكتسيالارىن جانە اكىمشىلىك شىعىنداردى وتەۋ ءۇشىن قاراجاتتارى بار بانك شوتىن عانا يەلەندى, تالاپكەردىڭ باسقا اكتيۆتەرى بولمادى», – دەلىنگەن حابارلامادا.
«قازاقستان رەسپۋبليكاسى «KT Asia» كومپانياسى اكتيۆتەردى بىرەۋىنەن باسقاسىنا وتكىزۋ ءۇشىن قىرناۋلار رەتىندە پايدالانىلعان ءابىلازوۆتىڭ بىرقاتار كومپانيالار توبىنا كىرگەنىن پاش ەتە الدى. تريبۋنال بتا بانكتىڭ وعان قارسى تالاپ-ارىزى بويىنشا جۇزدەگەن كومپانيالارىن تىزىمدەيتىن اكتيۆتەردى شەكتەۋ تۋرالى اعىلشىن سوتىنىڭ سوت شەشىمى وسىنداي تاجىريبەنىڭ اۋقىمىن كورسەتەتىندىگىن بەلگىلەدى», – دەپ اتاپ كورسەتەدى ۆەدومستۆو.
سونىمەن قاتار, «KT Asia» كومپانياسى بتا بانكتىڭ اكتسيالارىن نارىق قۇنىنان جەتى ەسە كەم باعاسىنا ابىلازوۆكە تيەسىلى بولعان ەكى ساتۋشى-كومپانيالاردان العان قارىز ەسەبىنەن ساتىپ الدى.
قارىز سوماسى جانە ول بويىنشا پايىزدار تولەنبەي قالدى. ونىڭ ورنىنان قارىز ەسەپتەن شىعارىلىپ, «KT Asia» كومپانياسىنىڭ قارىزىنان ارىلۋ ماقساتىمەن وسى ەكى كومپانيا تاراتىلدى.
ءسويتىپ تالقىلاۋ شەگىندە ءابىلازوۆ بتا بانك اكتسيالارىنىڭ 75,18 پايىزى ءارتۇرلى يۋريسديكتسيالاردا قۇرىلعان بىرقاتار بولەك كومپانيالار ارقىلى يەلەنگەنىن مالىمدەدى. ءار وسىنداي كومپانيا بتا بانكتىڭ اكتسيالارىنىڭ 10 پايىز كەمىسىن يەلەندى. دەگەنمەن, قازاقستان رەسپۋبليكاسىنىڭ زاڭناماسىنا سايكەس قۇزىرەتتى ورگاننىڭ جازباشا كەلىسىمىن الماستان تۇلعا بانكتىڭ ورنالاستىرىلعان اكتسيالارىنىڭ ون نەمەسە ودان استام پروتسەنتىن تىكەلەي نەمەسە جاناما يەلەنە المايدى.
الايدا, ءابىلازوۆ ءتيىستى كەلىسىم الماۋمەن قاتار مەملەكەتتىك ورگانداردان بتا بانكتىڭ ءىرى قاتىسۋشى ەكەندىگىن ادەيىلەپ جاسىردى. «ءوز شەشىمىندە تورەلىك تريبۋنال «KT Asia» كومپانياسى ينۆەستيتسيالاردى يەلەنبەگەنىن جانە بتا بانككە ۇلەس قوسپاعانى تۋرالى قازاقستان رەسپۋبليكاسىنىڭ ۇستانىمىمەن كەلىستى.
وسىلايشا, «KT Asia» كومپانياسى جانە قازاقستان رەسپۋبليكاسى اراسىندا ينۆەستيتسيالىق داۋدىڭ جوق بولۋىنا بايلانىستى, تريبۋنال تالاپكەردىڭ تالاپتارىن قاراۋ بويىنشا يۋريسديكتسياسىنىڭ جوق ەكەندىگىن مويىندادى جانە وسى تالاپ-ارىزدى قاراۋدى توقتاتتى», – دەپ تۇيىندەلگەن ءباسپاسوز پاراقشاسىندا.
قۇرىش نۇرىمبەت.
