م.اۋەزوۆ اتىنداعى اكادەميالىق دراما تەاترىنىڭ 88-ماۋسىمى «بەيبارىس سۇلتان» سپەكتاكلىمەن اشىلدى. تەاتردىڭ جاڭا ديرەكتورى ەركىن جۋاسبەكتىڭ باسشىلىعىمەن كورەرمەندى كوبەيتىپ, جاڭا زامانعا بەيىمدەلۋگە بەل شەشە كىرىسكەن ۇجىمعا بۇل كۇندەرى جاس اكتەرلار, رەجيسسەرلار, قويىلىمداردىڭ ساپالى شىعۋىنا اتسالىساتىندار, باسقا دا ماماندار تارتىلۋدا. ۇلكەن زالداعى 800 كىسىلىك ورىندىق جاڭالانىپ, تەاتر الدىنا ۇلكەن LED ەكران قويىلىپتى. ول ارقىلى تاۋلىك بويى سپەكتاكلدەر جارنامالانىپ, اكتەرلار تۋرالى اقپاراتتار بەرىلەتىن بولادى.
م.اۋەزوۆ اتىنداعى اكادەميالىق دراما تەاترىنىڭ 88-ماۋسىمى «بەيبارىس سۇلتان» سپەكتاكلىمەن اشىلدى. تەاتردىڭ جاڭا ديرەكتورى ەركىن جۋاسبەكتىڭ باسشىلىعىمەن كورەرمەندى كوبەيتىپ, جاڭا زامانعا بەيىمدەلۋگە بەل شەشە كىرىسكەن ۇجىمعا بۇل كۇندەرى جاس اكتەرلار, رەجيسسەرلار, قويىلىمداردىڭ ساپالى شىعۋىنا اتسالىساتىندار, باسقا دا ماماندار تارتىلۋدا. ۇلكەن زالداعى 800 كىسىلىك ورىندىق جاڭالانىپ, تەاتر الدىنا ۇلكەن LED ەكران قويىلىپتى. ول ارقىلى تاۋلىك بويى سپەكتاكلدەر جارنامالانىپ, اكتەرلار تۋرالى اقپاراتتار بەرىلەتىن بولادى.
سول سياقتى, ونەر ادامدارىنىڭ قالىڭ كورەرمەنىمەن بايلانىسىن نىعايتۋ ماقساتىندا «ءباسپاسوز قىزمەتى» ءبولىمى جۇمىسقا كىرىستى. تەاتردىڭ ۇزدىك قويىلىمدارىنىڭ بەينەتاسپاعا كاسىپتىك دەڭگەيدە ساپالى جازىلۋىن قامتاماسىز ەتەتىن «دىبىس جانە بەينەجازۋ» ستۋدياسى اشىلىپ, وعان دا كاسىبي ماماندار تارتىلىپ جاتقان كورىنەدى. تەاتردىڭ 45 جىلدىق تاريحى بار مۋزەيى كەڭەيتىلىپ, جاڭادان جابدىقتالعان. ەكىنشى قاباتقا قارا شاڭىراقتىڭ 90 جىلعا جۋىق تاريحىن قامتيتىن ەكسپوناتتار ورنالاستىرىلىپتى.
ءبىر سوزبەن ايتقاندا, مۇنان بىلاي تەاترعا كەلگەن كورەرمەن ونى تەك سپەكتاكل عانا تاماشالايتىن ورىن ەمەس, كيەلى ونەر ورداسى, جاقسى دەمالىس سىيلايتىن رۋحاني مەكەمە رەتىندە تانۋى ءۇشىن ءتۇرلى تەتىكتەر قاراستىرىلۋدا.
اۋەزوۆ تەاترىنىڭ كوركى, تەاتر عيماراتى الدىنداعى سۋبۇرقاعى بولاتىن. وسى جازدا الماتى قالاسى اكىمدىگىنىڭ قولداۋىمەن تەاتر عيماراتى الدىنداعى سۋبۇرقاق قايتا كوككە شاپشىدى.
ەڭ باستىسى, بۇگىنگى زاماننىڭ كورەرمەنى ۇيدە وتىرىپ-اق قالاعان سپەكتاكلىنە قالاعان كۇنى ۇناعان قاتارىنان ەلەكتروندىق جۇيەمەن بيلەت ساتىپ الا الاتىن بولدى.
سونىمەن, جاڭا ماۋسىمدا قالىڭ كورەرمەنىمەن قايتا قاۋىشقان تەاتر باسشىلارى مەن اكتەرلارى باق وكىلدەرىنىڭ سان الۋان سۇراقتارىنا جاۋاپ بەرىپ, جاڭا پرەمەرالاردىڭ قاراشا ايىنا جوسپارلانىپ وتىرعاندىعىن مالىمدەدى. ولاردىڭ ءبىرى م.ماعاۋين پوۆەسىنىڭ جەلىسى بويىنشا رەجيسسەر م.قاپالباەۆ ساحنالاپ جاتقان «شاقان شەرى» بولسا, كەلەسىسى – جاس رەجيسسەر ە.نۇرسۇلتان قوياتىن «جەتىم تاعدىر» (اۆتورى ج.ەرعاليەۆ) سپەكتاكلدەرى.
سوڭعى جىلدارى اۋەزوۆ تەاترى جاڭا قويىلىمدارعا كەندە ەمەس. ونىڭ كوپشىلىگى كورەرمەندەر كوپتەپ جينالاتىن سۇيىكتى سپەكتاكلدەرگە اينالىپ ۇلگەردى. الايدا, ۇزدىكسىز ءبىر-بىرىنە ىلەسىپ جاتقان جاڭا پەسالاردىڭ بارلىعى دراماتۋرگيا تالاپتارىنا ساي كەلە بەرمەيدى. وعان قوسا, ءساتتى قويىلىم بولسا دا ءوز مىندەتىن اتقارىپ, جۇرتتى جالىقتىرا باستاعان سپەكتاكلدەر دە بار. قىسقاسى, جىل سايىن 5-6 سپەكتاكلدىڭ پرەمەراسى جۇرەدى. رەپەرتۋار بايىعان سايىن قويىلىمداردىڭ ساحناعا شىعۋ كەزەگى دە الشاقتاي تۇسەتىنى ايان. وسى ماسەلەگە وراي تەاتر ديرەكتورى ەركىن جۋاسبەك كورەرمەنى از سپەكتاكلدەر كەلەسى ماۋسىمعا جولداما المايدى دەدى.
تالعامى شەكسىز بۇگىنگى كورەرمەن ءۇشىن تەاتردىڭ 88-ماۋسىمى مۇلدە جاڭا ۇردىسپەن باستالدى. اۋەزوۆ تەاترىنىڭ ماقتانىشى بولعان ءارى شىعارماشىلىق بايلىعى سانالاتىن ونەر تارلاندارى جاڭا ماۋسىمدى قىزىل كىلەم ۇستىندە شەرۋلەتتى. تەاتر فويەسىندەگى سالتاناتتى ساتكە قالىڭ كورەرمەن قوشەمەت ءبىلدىرىپ, ءسابيت ورازباەۆ, قۇمان تاستانبەكوۆ, مەرۋەرت وتەكەشوۆا, عازيزا ابدىنابيەۆا, تورعىن تاسىبەكوۆا باستاعان ساحنا مايتالماندارىن تورگە وزدىردى.
ايناش ەسالي,
«ەگەمەن قازاقستان».
الماتى.
سۋرەتتەردى تۇسىرگەن: اۆتور.
