پىكىر • 16 شىلدە، 2020

اگرارلىق عىلىم – اگروونەركاسىپتىڭ قوزعاۋشى كۇشى

217 رەت كورسەتىلدى

جۋىردا ۇكىمەتتىڭ كەڭەيتىلگەن وتىرىسىندا پرەزيدەنت ق.توقاەۆ اگروونەركاسىپ كەشەنىن دامىتۋ ءۇشىن ينۆەستيتسيا مەن تەحنولوگيانى تارتۋعا ءتيىس ەكەنىمىزدى، وسىعان وراي جەردى ءتيىمدى پايدالانۋ ماسەلەسىن فەرمەرلەر قوعامداستىعىمەن تالقىلاۋ قاجەتتىگىن ايتتى.

وكىنىشكە قاراي، ءبىزدىڭ كەيبىر قالادان شىققان فەرمەرلەرىمىز ايماقتىق ەگىنشىلىك جۇيەنى ەسكەرە بەرمەيدى. ولار مۇحيتتىڭ ارعى جاعىنان ءارتۇرلى ساراپشى­لار­دى الىپ كەلىپ، ەگىن ەگۋدىڭ قا­لىپتاسقان مەرزىمىن جانە ءبىزدىڭ جاعدايىمىزعا بەيىمدەلگەن اگروتەحنولوگيالاردى وزگەرتۋمەن الەك.

بيىلعى ەگىن ناۋقانىنىڭ الدىندا س.سەيفۋللين اتىنداعى قاتۋ عالىمدارى قازاقستاننىڭ نەگىزگى استىق وندىرەتىن وبلىستارى ءۇشىن كوكتەمگى ەگىس جۇمىس­تا­­رىن جۇرگىزۋ بويىنشا ناقتى ۇسى­نىستارىن ازىرلەدى.

ءبىز سوڭعى 23 جىلدا وسى وبلىستاردا جاۋىن-شاشىننىڭ باسىم مولشەرى جىلداردىڭ 24% – ماۋسىمدا، 48% – شىل­دە­دە، 13% – تامىز ايىندا بايقالعانىن ەسەپتەدىك. سون­دىقتان، شىلدەدەگى ەڭ جوعارى ىلعال­دىلىقتى ەسكەرە وتىرىپ، قازاق­ستاننىڭ سولتۇستىگىندە اۋىل شارۋا­شىلىعى داقىلدارىن ءوسىرۋ تەحنولوگياسى مامىردىڭ ورتاسىنان سوڭىنا دەيىنگى ۋاقىت قولايلى مەرزىمگە ۇيلەستىرىلگەن.

ارينە ەگەر بىزدە دامىعان ەلدەر­دەگىدەي اۋا-رايىنىڭ ناقتى بولجامى بولسا، عىلىمي كەڭەس­تەرىمىزدى دە دالىرەك ايتار ەدىك. بىراق، وكىنىشكە قاراي، مەتەو­قىزمەت جۇمىسىنىڭ ارتتا قالۋى­­نان استىق وندىرىسىندە جانە جالپى ەلىمىزدىڭ اۋىل شارۋا­شى­لىعىندا كوپ ماسەلەلەر شەشىل­مەي وتىر.

بيىلعى توپىراقتىڭ كوكتەمگى ىلعالدىلىعىنا قاراماستان، ماۋسىم ايىندا بولعان قۇرعاقشىلىق ەگىستىكتى كۇيدىرىپ جىبەردى. بىراق عالىمدار ۇسىنعان مەرزىمدە ەگىل­گەن القاپتاردا جاقىن كۇن­دە­­رى بولعان جاۋىن-شاشىن جاع­دا­يدى ءبىراز وڭالتادى.

وكىنىشكە قاراي، وسى جىلى ءساۋىر ايىنىڭ سوڭىندا جانە مامىر ايىنىڭ باسىندا ەگىن سەبۋگە اسىققان ديقانداردىڭ ونىمدەرى تومەندەۋ بولادى، بۇل ەگىستىكتەر قۇرعاقشىلىققا ۇشىرادى.

جالپى، تاۋەكەلدى ەگىنشىلىك جاعدايىندا ەگىن سەبۋ مەرزىمىن ءساتتى تاڭداۋ ارقىلى عانا استىق­تىڭ ونىمدىلىگىن بىرنەشە ەسە كوبەي­تۋگە بولادى. ال ول ميل­ليار­دتاعان تەڭگە!

سوندىقتان ءبىزدىڭ پرەزي­دەن­تىمىز ق.ك.توقاەۆ عى­لىم­­دى قارجىلاندىرۋدى ارتتىرا وتىرىپ، وتە دۇرىس قادام جا­ساپ وتىر. بىراق اگرارلىق سا­لا­نى كۇشتى عىلىمي بازامەن قامتاماسىز ەتۋمەن قاتار، بىزگە فەرمەرلەردى وقىتۋ ءۇشىن دا­مى­­عان ەلدەر ۇلگىسىندە ءبىلىمدى تاراتۋدىڭ ءتيىمدى مەملەكەتتىك جۇيەسىن قۇرۋ قاجەت (extension service). وكىنىشكە قاراي، مۇن­داي جۇيە بىزدە ءالى كۇنگە دەيىن جوق.

 

اقىلبەك كۇرىشباەۆ،

اۋىل شارۋاشىلىعى عىلىمدارىنىڭ دوكتورى، پروفەسسور «س.سەيفۋللين اتىنداعى قازاق اگروتەحنيكالىق ۋنيۆەرسيتەتى» كەاق باسقارما توراعاسى

 

سوڭعى جاڭالىقتار

ۇقساس جاڭالىقتار