پىكىر • 14 شىلدە، 2020

باقىتتى كۇندەر كۇتسىنشى...

36 رەت كورسەتىلدى

13 شىلدە پرەزيدەنتىمىز قاسىم-جومارت توقاەۆتىڭ شەشىمىمەن ازا تۇتۋ كۇنى دەپ جاريالاندى. راسىمەن دە، ءبىزدىڭ ەلىمىز عانا ەمەس، كۇللى الەم قازىر قيىن جاعدايدا تۇر.

قازاق ۇلتتىق ونەر ۋنيۆەر­سيتەتىنىڭ ۇجىمى بولىپ ءبىز دە ىندەتتەن كوز جۇمعان جانداردى ازا تۇتتىق. ويلاندىق. كەلەشەكتە اتار جارقىن كۇندەرگە ۇلكەن ۇمىتپەن كوز تىكتىك. ويتكەنى بۇل ىندەت ۇجى­مىمىز ءۇشىن دە وڭاي تيمەدى. ۋنيۆەرسيتەتىمىزدىڭ پروفەسسورى، بەلگىلى كومپوزيتور، اڭىز تۇلعا كەڭەس دۇيسەكەەۆ اعامىزدان ايىرىلىپ قالدىق. قاپيادا اجال تىر­ناعىنا ىلىگىپ، كوز جۇمىپ جاتقان اتپال ازاماتتار قانشاما. كۇن­دە قارالى حابار ەستىپ، كوڭىلىمىز ابدەن جابىرقاۋلى. بۇل ازا تۇتۋ كۇنى بۇگىنمەن اياقتالىپ، الدا ەلىمىزدى تەك باقىتتى، قۋانىشتى كۇندەر كۇتسىنشى. بۇرىنعى بەيبىت ومىرىمىزگە قايتا ورالىپ، ەمىن-ەركىن ساحناعا شىعىپ، ونەرىمىزدى تىڭدارماندارىمىزعا پاش ەتەر جارقىن كۇندەرگە تەزىرەك جەتسەك ەكەن. بۇل جاعداي بىزگە كوپ نارسەنى ۇعىندىردى. ءومىردىڭ، ۋاقىتتىڭ، دەنساۋلىقتىڭ جانە جالپى جانىڭدا جۇرگەن جاقىن ادامداردىڭ باعاسىن ءبىلىپ، قادىرىنە جەتۋگە ۇيرەتتى. اي­نالامىزعا باسقاشا كوزبەن قا­راۋعا ۇيرەندىك. ارينە مۇنى ءتۇسىنىپ، ءبىلۋ ءۇشىن ىندەتپەن بەتپە-بەت كەلگەنىمىز وكىنىشتى.

مەندەگى تىلەك – ەندى مۇنداي جاعداي بولماسىنشى. كۇللى ادامزات بۇل دەرتتى جەڭىپ شىعىپ، لايىم جەر بەتىندە تەك جاقسى كۇندەر، باقىتتى ساتتەر سالتانات قۇرسا ەكەن دەگەن تىلەگىم بار. باستىسى، اۋىرمايىق! جاقىندارىمىز امان بولسىن! ەلىمىز تىنىش، باۋىرىمىز ءبۇتىن بولعاي!  

 

ايمان مۇساقوجاەۆا،

قازاق ۇلتتىق ونەر ۋنيۆەرسيتەتىنىڭ رەكتورى،

«قازاقستاننىڭ ەڭبەك ەرى»

سوڭعى جاڭالىقتار

شىمكەنتتە 5 شاعىناۋدانعا گاز جۇيەسى تارتىلۋدا

وڭتۇستىك قازاقستان • بۇگىن، 16:05

COVID-19: ابدىراعان ارگەنتينا

الەم • بۇگىن، 11:25

ۇقساس جاڭالىقتار