تەحنولوگيا • 14 شىلدە، 2020

الىس اۋىلدارعا ينتەرنەت جەتتى

51 رەت كورسەتىلدى

باتىس قازاقستان وبلىسىنىڭ 18 ەلدى مەكەنىنە جوعارى جىلدامدىقتى ينتەرنەت تارتۋ جۇمىستارى اياقتالدى. تارتىلعان جەلى جاقىن كۇندەرى مەملەكەتتىك مەكەمەلەرگە ورناتىلماق. «قازاقتەلەكوم» كومپانياسىنىڭ حابارلاۋىنشا، بۇگىنگى تاڭدا وبلىس بويىنشا جوسپارلانعان 52 مەكەمەنىڭ 45-ءى تالشىقتى وپتيكالىق بايلانىس جەلىسىنە قوسىلعان. ماۋسىم ايىنىڭ سوڭىنا دەيىن قالعان مەكەمەلەرگە دە ينتەرنەت تارتىلادى.

«قازاقتەلەكوم» كومپانياسى «تسيفرلى قازاقستان» باعدارلاماسى اياسىندا اۋىل­دىق جەرلەرگە ساپالى ينتەرنەت جۇرگىزۋ جۇمىسىن 2018 جىلى باستاعان بولاتىن. قاشىق ەلدى مەكەندەرگە تال­شىق­تى-وپتيكالىق بايلانىس جەلىسىن تارتۋ بيىل تولىق اياق­تالۋعا ءتيىس. 2021 جىلى جۇرگىزىلگەن جەلىلەر بويىنشا قىزمەت كورسەتۋ كەزەڭى باس­تالادى.

«قازاقتەلەكوم» اق باتىس ايماقتىق تەلە­كوم­مۋ­نيكاتسيالىق ديرەك­تسيا­سى­نىڭ باس ديرەكتورى اباي قادىراليەۆتىڭ ايتۋىنشا، جالپى جوبا باستالعالى بەرى باتىس قازاقستان وبلىسىندا بارلىعى 81 اۋىلعا جەلى تارتىلىپ، 287 مەملەكەتتىك مەكەمەگە ساپالى ينتەرنەت قوسىلعان.

– جوبا باستالعان 2018 جىلى وبلىستاعى 3 اۋىلعا ينتەرنەت تارتىلدى. 2019 جىلى 60 ەلدى مەكەندى قامتىدىق. بيىل بازارشولان، بازارتوبە، ەسەنساي، قاراۋىلتوبە سەكىلدى بارلىعى 18 ەلدى مەكەنگە جوعارى جىلدامدىقتى ينتەرنەت تارتىلىپ بولدى. ارينە، جۇمىس تولىقتاي ءبىتتى دەۋگە ەرتەرەك. دەگەنمەن ترانشەيالار قازىپ، قۇبىرلار جۇرگىزىپ، سونىڭ ىشىمەن كابەل تارتۋ جۇمىستارىن تولىق بىتىردىك. ەندى وسى تارتىلعان جەلىنى اكىمدىك، ەمحانا، مەكتەپتەرگە كىرگىزەمىز. بار-جوعى جەتى-اق مەكەمە قالدى. سولارعا تارتىلعان سوڭ، باتىس قازاقستان وبلىسى بويىنشا جوسپار تۇگەل ورىندالدى دەي الامىز،– دەپ ءوتتى ا.قادىراليەۆ. وبلىستا ءۇش جىلدا بارلىعى 2255 شاقىرىم تالشىقتى-وپتيكالىق بايلانىس جەلىسى توسەلىپتى.

ماۋسىمنىڭ باسىندا قوس­تاناي وبلىسىنىڭ ورتا­لى­عىنان 560 شاقىرىم شال­عايدا جاتقان جانگەلدى اۋدا­نىن­داعى 7 اۋىل تالشىقتى-وپتيكالىق بايلانىس جەلىسىنە تولىقتاي قوسىلدى. سونىڭ ناتيجەسىندە اۋىلدىق مەكتەپتەر، اۋرۋحانالار مەن اكىم­دىكتەر قاشىقتان وقىتۋ، تەلەمەديتسينانى قولدانۋ جانە ازاماتتارعا جەدەل قىز­مەت كورسەتۋدىڭ جاڭا مۇمكىن­دىك­تەرىن الادى.

كومپانيانىڭ سولتۇستىك ايماقتىق تەلەكوممۋنيكاتسيا ديرەكتسياسىنىڭ باس ديرەكتورى ەرسايىن دۇيسەماليەۆتىڭ ايتۋىنشا، جانكەلدى اۋدا­نىن­داعى قالامقاراسۋ، سۋ­جارعان، اقشىعاناق، كوك­ا­لات، ارالباي، تورعاي، تاۋىش ەلدى مەكەندەرىنە دەيىن 240 شاقىرىمنان اساتىن وپتي­كالىق جەلى سالىندى.

– ءموبيلدى بايلانىس وپە­راتورلارىمەن بىرلەسكەن جوبا اياسىندا حالقى 250-دەن اساتىن اۋىلداردى ۇيالى بايلانىسپەن قامتاماسىز ەتۋ جەل­ىسىن قۇرۋ ءۇشىن اقكول، اقشىعاناق، كوكالات، ارال­باي، تاۋىش، ساعا، ءشيلى جانە احمەت بايتۇرسىنوۆ اۋىلدارىندا بازالىق ستانسالار سالۋ جوسپارلانىپ وتىر، – دەيدى ە.دۇيسەماليەۆ.

ايماقتارعا تارتىلعان توبج وزگە دە ۇيالى بايلانىس وپەراتورلارىنا وسى جەلىنىڭ نەگى­زىندە ءوز ستانسالارىن ور­نالاستىرۋعا مۇمكىندىك بەرە­دى. بۇل راديوسيگنال ارقى­لى تالشىقتى وپتيكالىق بايلانىس جەلىسى جەتپەگەن اۋىل­دارعا ينتەرنەت تارتۋعا جول اشادى.

بيىل بۇكىل قازاقستان بويىنشا، توبج تارتۋ جۇ­مىستارى اياقتالىپ، بار­لى­عى 14 514 شاقىرىم جەلى 828 اۋىلدى قامتۋعا ءتيىس. 2496 مەملەكەتتىك مەكەمە تال­شىقتى-وپتيكالىق بايلا­نىس جەلىسىنە قوسىلادى. نا­تي­جە­سىن­دە حالىقتىڭ 99،3 پايىزى كەڭ جولاقتى ين­تەر­نەتكە قول جەتكىزەدى. «قازاق­تە­لەكومنىڭ» حابارلاۋىنشا، توتەنشە جاعداي ەنگىزىلىپ، كارانتين ءتارتىبى كۇشەيتىلگەن كەزدە دە جۇمىس تولاستاعان جوق.

 

سوڭعى جاڭالىقتار

ۇقساس جاڭالىقتار