«التى ايدان بەرى الەمنىڭ بارلىق ەلدەرى بۇرىن-سوڭدى بولماعان COVID-19 ۆيرۋسىمەن كۇرەسىپ, الەمدىك ەكونوميكا پاندەميا سالدارىنان اۋىر زارداپ شەگىپ وتىر. دۇنيەجۇزىلىك بانك بولجامىنا سايكەس 2020 جىلى جاھاندىق ءىجو 5,2% تومەندەيدى دەپ كۇتىلۋدە. سونىمەن قاتار قازىرگى داعدارىستىڭ ەرەكشەلىگى – ونىڭ قانشاعا سوزىلارىنىڭ بەلگىسىز ەكەندىگى. پاندەميانىڭ ۇزاقتىعى كوپتەگەن فاكتورعا – ۆاكتسينانىڭ جاسالۋىنا, «ۇجىمدىق يممۋنيتەتتىڭ» قالىپتاسۋىنا, ۆيرۋستىڭ ىقتيمال ورشۋىنە, سونىمەن قاتار مەملەكەتتەردىڭ شۇعىل ارەكەتتەرىنىڭ تيىمدىلىگىنە بايلانىستى», دەيدى ساراپشى. ونىڭ ايتۋىنشا, بۇل پاندەميا ءبىزدىڭ ەلگە دە ءوز ىقپالىن تيگىزىپ وتىر. مىسالى, 2020 جىلدىڭ ءبىرىنشى جارتى جىلىندا قازاقستاننىڭ ءىجو 1,8%-عا تومەندەگەن. اسىرەسە قىزمەت كورسەتۋ سەكتورى پاندەميا اسەرىن ايرىقشا سەزىندى, بۇل كەزەڭدە ءوندىرىس 5,6% تومەندەگەن. كارانتيندىك شارالار مەن شيكىزات نارىعىنداعى تۇراقسىزدىق سالدارى ەلدىڭ بيۋدجەتتىك جۇيەسىنە دە اسەر ەتتى – بيۋدجەتتىڭ شىعىنى شامامەن 1,7 ترلن تەڭگەنى قۇرادى. كوروناۆيرۋستىق پاندەميا ەڭبەك نارىعىنا دا ىقپال ەتتى. ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتى بويىنشا جۇمىسپەن قامتۋ ورگاندارىندا 2020 جىلدىڭ مامىر ايىنىڭ سوڭىندا جۇمىسسىز رەتىندە تىركەلگەندەر سانى 161,3 مىڭ ادامدى نەمەسە جۇمىس كۇشىنىڭ 1,7%-ىن قۇراعان.
