ورتالىقتا اۋتيزم دياگنوزى بار بالالارعا كومەك كورسەتىلەدى. ورتالىقتىڭ اشىلۋى اۋتيستىك سپەكتردەگى اۋىتقۋى بار بالالاردى 50% كوبىرەك قامتۋعا مۇمكىندىك بەرەدى.
ەكىنشى وڭالتۋ ورتالىعى دا وسى ورتالىق ورنالاسقان جاڭا تۇرعىن ءۇي كەشەنىنىڭ ء(ۋاليحانوۆ, 23) ءبىرىنشى قاباتىندا ورنالاسقان. ورتالىق كۇنىنە 200 كەلۋشىگە دەيىن قابىلداي الادى. وندا بتسپ, اۋتيزم جانە باسقا دا اۋرۋلارى بار ەرەكشە كۇتىمدى قاجەت ەتەتىن بالالارمەن اينالىسادى.
التى جاسار بالانىڭ اناسى ەلنارا شارافۋتدينوۆانىڭ ايتۋىنشا, مۇنداي ورتالىقتار ەرەكشە بالالاردى وڭالتۋ ءۇشىن وتە قاجەت.
«بۇرىن بىزگە ءتۇرلى ەمحانالار مەن ورتالىقتارعا بارۋعا تۋرا كەلەتىن, قازىر بالانى وڭالتۋ ءۇشىن بارلىق قاجەتتى قىزمەتتەردى وسى ورتالىقتان, ءبىر جەردەن الۋعا بولادى», دەيدى ەلنارا.
ء«بىز بالامىزبەن وڭالتۋ ورتالىقتارىنا بارامىز, ءوز كەزەگىمىزدى كۇتىپ قالاتىن كەزدەر دە بولادى. سەبەبى باسقا دا بالالار بار ەكەنىن تۇسىنەمىز. مەن ورتالىقتارعا بارعاننان كەيىنگى ناتيجەلەردى بايقايمىن. مەنىڭ بالام العاشقى قادام جاساي باستادى. ەلوردادا وڭالتۋ ورتالىقتارىنىڭ كوبەيىپ جاتقانى قۋانتادى. سەبەبى قالادا ەرەكشە 5,5 مىڭ بالا بار. وڭالتۋ ورتالىقتارىنىڭ اشىلۋى بالالاردى كوپتەپ قامتۋعا جانە ورتالىقتارعا ءجيى بارۋعا مۇمكىندىك بەرەدى», دەدى ەرەكشە بالانىڭ اناسى قىمبات كەرەيباي.
قالا اكىمدىگى مەملەكەت باسشىسىنىڭ تاپسىرماسى بويىنشا ەرەكشە كۇتىمدى قاجەت ەتەتىن ادامدار ءۇشىن جاعداي جاساۋ جۇمىستارىن جۇيەلى تۇردە جۇرگىزۋدە. يپپودروم بازاسىندا يپپوتەراپيامەن اينالىسۋعا ارنالعان جابىق مانەج قۇرىلىسى جۇرگىزىلۋدە, جاڭا عيماراتتاردىڭ ءبىرىنشى قاباتتارىندا الەۋمەتتىك نىساندار (بالالارعا ارنالعان شاعىن ورتالىقتار, وڭالتۋ ورتالىقتارى, بالاباقشالار) اشىلۋدا, ينۆاتاكسي سانى ەكى ەسە ءوستى.
جاستار سارايى عيماراتىنداعى ەرەكشە كۇتىمدى قاجەت ەتەتىن ادامدار ءۇشىن قولجەتىمدى بولاتىن باسسەينگە دە جوندەۋ جۇمىستارى جۇرگىزىلۋدە.
