باتىس قازاقستان وبلىسى ورال قالاسىندا اۋا رايى كەنەتتەن سالقىنداپ كەتتى. سوعان قاراماستان كوشە بويىنداعى جاڭادان سالىنعان جىلۋ قۇبىرلارى ءالى جابىلماعان. بۇل تۋرالى «كاراۆان» گازەتى جازدى.
قازىر ورال قالاسىنىڭ تۇرعىندارىن جىلۋ بەرۋ ماۋسىمىنىڭ باستالۋى الاڭداتىپ وتىر. ال وتكەن اپتا ىشىندە ءباسپاسوز ءماسليحاتىندا «جايىق جىلۋ قۋات» اق پرەزيدەنتى ايتقالي تىلەفتينوۆ 15 قازاندا قالاداعى نىساندارعا جىلۋ بەرىلەدى دەپ مالىمدەگەن بولاتىن. وسى ورايدا دەرەككە جۇگىنسەك, 2 قازاننان باستاپ 11 بالالار باقشاسىنا جىلۋ بەرىلگەن ەكەن. قالعان ءبىلىم وردالارى بۇل ماسەلەگە شىدامدىلىق تانىتۋدا.
قازىردىڭ وزىندە ءبىر كوشەنىڭ 1,5 شاقىرىمىنا رەسپۋبليكالىق بيۋدجەتتەن 355 ملن. تەڭگە ءبولىنىپ, جىلۋ قۇبىرى تارتىلۋدا. بۇل از قارجى ەمەس. دەگەنمەن, تۇرعىندار ءالى بىتپەگەن ىسكە قاراپ, جىلۋدىڭ مەرزىمىندە بەرىلەتىنىنە سەنىمسىزدىكپەن قاراپ وتىر.
دانيار تۇيمەباي.
