سپورت • 12 شىلدە، 2020

جالعاس جۇماعۇلوۆ UFC ۇيىمىنداعى العاشقى كەزدەسۋىندە جەڭىلىپ قالدى

100 رەت كورسەتىلدى

ارالاس جەكپە-جەك سپورتىندا ەل نامىسىن قورعايتىن جالعاس جۇماعۇلوۆ الەمدەگى ءاڭ تانىم ۇيىم UFC-دە ءبىرىنشى كەزدەسۋىن وتكىزىپ، جەڭىلىپ قالدى. 

وتانداسىمىز بۇگىن ابۋ-دابي قالاسىندا "جاۋىنگەرلەر ارالىندا" وتكەن UFC251 تۋرنيرىندە ونەر كورسەتتى. ونىڭ قارسىلاسى 24 جاستاعى برازيليالىق راۋليان پايۆا بولدى.

ءۇش راۋندقا سوزىلعان كەزدەسۋدە وتانداسىمىز جەڭىلىپ قالدى. بۇل جۇماعۇلوۆ ءۇشىن ۇيىمداعى ءبىرىنشى كەزدەسۋ. وكىنىشكە قاراي، بۇل كەزدەسۋدە وتانداسىمىز تورەشىلەردىڭ ءبىراۋىزدان شىعارعان شەشىمى بويىنشا جەڭىلدى. 

ايتا كەتەيىك، UFC 251 ءتۋرنيرىنىڭ باستى جەكپە-جەگىندە ۇيىمنىڭ جارتىلاي ورتا سالماقتاعى چەمپيونى كامارۋ ۋسمان (16-1-0) مەن امەريكالىق حورحە ماسۆيدال (35-13-0)، جەڭىل سالماقتىڭ چەمپيونى اۆستراليالىق الەكساندر ۆولكانوۆسكي (21-1-0) مەن امەريكالىق ماكس حوللوۋەي (21-5-0) اراسىنداعى تارتىستى كەزدەسۋلەر وتەدى. سونداي-اق رەسەيلىك پەتر يان مەن برازيليالىق جوزە الدو جەڭىل سالماقتىڭ چەمپيوندىق اتاعىن ساراپقا سالادى.  

سوڭعى جاڭالىقتار

ۇقساس جاڭالىقتار