ايماقتار • 09 شىلدە، 2020

لوۋكوستەر قۇنى قالتانى قاقپايدى

43 رەت كورسەتىلدى

وتكەن جىلدىڭ مامىر ايىندا قازاقستان مەن ورتالىق ازيا اۋماعىنداعى العاشقى لوۋكوستەر – "FlyArystan" اۋەكومپانياسى ءوز قىزمەتىن باستاعان بولاتىن. سودان سوڭ ەل وڭىرلەرى اراسىندا اتالمىش كومپانيانىڭ باس ديرەكتورى مەن اقتوبە وبلىسىنىڭ اكىمى اراسىندا جاسالعان ءوزارا كەلىسىم-شارتقا سايكەس لوۋكوستەر ۇشاعى اقتوبە مەن نۇر-سۇلتان قالالارىنىڭ اراسىنا قاتىناي باستادى، - دەپ جازادى Egemen.kz

بۇل اۋە كەمەسى ازاماتتارعا ۇشاق قىزمەتىن قولجەتىمدى باعامەن پايدالانۋعا مۇمكىندىك بەرەدى. ويتكەنى بيلەت قۇنى قالتانى قاقپايدى. ءارى كوزدەگەن جەرگە تەز جەتۋگە دە ىڭعايلى. مۇنداعى قاتىناس قۇجاتى كەيبىر باعىتتارعا جۇرەتىن پويىز پ ۇلىنان دا ارزان ەكەنىن ايتا كەتكەن ءجون. ماسەلەن لوۋكوستەر "FlyArystan" اۋەكومپانياسىنىڭ ەڭ ارزان بيلەتى 3999 تەنگەدەن باستالىپتى.

بۇگىنگى كۇنى اقتوبەلىكتەر لوۋكوستەرگە ەرتەرەك بيلەت ساتىپ الۋ ارقىلى شىمكەنتكە نەبارى 8999 تەنگەگە ۇشىپ بارا الادى. ال الداعى كۇندەردەن باستاپ اقتوبەدەن اتىراۋعا 4999 تەنگەگە بيلەت الىپ جەتۋگە جول اشىلىپ وتىر. وسى ارقىلى ەلىمىزدىڭ باتىس وڭىرىندەگى ءىرى كولىك لوگيستيكالىق ورتالىعىندا ەل وڭىرلەرى اراسىنداعى ۇشاق بايلانىستارىن قالىپتاستىرۋ ىسىندە ىلگەرى دە ىلكىمدى قادام جاسالدى. اتالمىش كومپانيانىڭ ء"تيىمدى"، "يكەمدى" جانە "ستاندارت پليۋس" سىندى بىرنەشە تاريفتەرى بار. ونىڭ ەرەجەلەرى دە ءارتۇرلى. ەڭ باستى شارت ارزان بيلەت العىڭىز كەلسە ەرتەرەك قامدانعانىڭىز ءجون. ويتكەنى بيلەتتەر ساتىلىمى بىرنەشە اي بۇرىن اشىلادى دەپ مالىمدەيدى كومپانيا ماماندارى.

بۇگىنگى كۇنى بيۋدجەتتىك اۋە تاسىمالداۋشى پاركىندە التى "Airbus ا320" ۇشاعى بار ەكەن. الداعى ۋاقىتتا ونىڭ سانىن بۇدان ءارى كوتەرۋ كوزدەلگەن. سونداي-اق "ەير استانا" ۇلتتىق كومپانياسىنىڭ قۇرامداس بولىگى -"FlyArystan" ەلىمىزدەگى ەڭ جاس رەاكتيۆتى فلوت ەكەنى دە ىلكىمدىلىكتىڭ ءبىر كورىنىسى ىسپەتتەس. ونىڭ سالونى نەمىس كومپانياسىنىڭ ورىندىقتارىمەن جابدىقتالعان.    اتالعان ۇشاقتىڭ تەحنيكالىق قاۋىپسىزدىگىن باس كومپانيا -"ەير استانا" جۇرگىزەدى. وسى ارقىلى جوعارى ستاندارتتارعا سايكەس جۇمىس ىستەۋگە قاجەتتى جاعدايلار تۋعىزىلعان.

 

اقتوبە

سوڭعى جاڭالىقتار

15169 ادام كوروناۆيرۋس جۇقتىردى

كوروناۆيرۋس • بۇگىن، 09:17

ۇقساس جاڭالىقتار