ءدال قازىرگى ساتتە وقشاۋلانۋ قاجەت. ۇكىمەت 5 شىلدەدەن باستاپ كارانتين رەجىمى ەنگىزىلەتىنىن ايتتى. ۇكىمەت ايتپاسا دا, حالىق ەڭ اۋەلى ءوز دەنساۋلىقتارى ءۇشىن ساقتىق شارالارىن قاتاڭ ۇستاۋى قاجەت. مىناداي جاعداي بولىپ جاتسا دا, تويعا شاقىرۋلار الىپ ءجۇرمىن. وكىنىشكە قاراي, ءدال قازىر توي تويلايتىن كەزەڭ ەمەس. قۋانىشتىڭ بولعانى جاقسى عوي, بىراق ونى تويلاۋدى ىسىرا تۇرعان ءجون.
وسىنداي قيىن كەزەڭدە باسىن قاتەرگە تىگىپ الدىڭعى شەپتە قىزمەت ەتىپ جۇرگەن ازاماتتاردىڭ ەڭبەگىن باعالاۋىمىز كەرەك. ءوزىمنىڭ دەنساۋلىعىم قالىپتى. بۇرىننان كوپ جاياۋ جۇرەمىن, بارىنشا دۇرىس تاماقتانامىن, يممۋنيتەت كوتەرۋگە تالپىنامىز. قازاقستاندىقتاردىڭ دەنساۋلىعى ءۇشىن كۇنى-ءتۇنى تىنىمسىز كومەك قولىن سوزىپ جۇرگەن بارشا دارىگەرگە العىس ايتامىن.
ەسەن ەلەۋكەن,
«تاماشا» تەلەارناسىنىڭ ديرەكتورى
